બોડેલીના જબુગામમાં ડેન્ગ્યુના કેસ સામે આવતાં આરોગ્ય વિભાગની ટીમે દવાનો છંટકાવ કર્યો

બોડેલી તાલુકાના જબુગામમાં ડેન્ગ્યુના કેસ નોંધાયાની માહિતી બાદ પંચાયત અને આરોગ્ય વિભાગની ટીમે સફાઈ અને દવાના છંટકાવની કામગીરી કરી. વધુ કેસ ન ફેલાય અને મચ્છરોનો ઉપદ્રવ ઘટે તે માટે આ કામગીરી હાથ ધરાઈ હતી.

થોડા દિવસ પહેલાં જબુગામમાં ડેન્ગ્યુના કેસ નોંધાયા હોવાની માહિતી મળી હતી. ત્યાર બાદ પંચાયત અને આરોગ્ય વિભાગની ટીમે ગામના અલગ-અલગ વિસ્તારોમાં સફાઈ કરી હતી.

ટીમે મચ્છરોનો ઉપદ્રવ રોકવા દવાનો છંટકાવ પણ કર્યો હતો. ગામમાં સ્વચ્છતા જાળવવા, મચ્છરોના ઉત્પત્તિસ્થાનો દૂર કરવા અને પાણીજન્ય તથા મચ્છરજન્ય રોગોનો ફેલાવો અટકાવવા આ પ્રયાસ કરાયો હતો.