શ્રી જી.પી. ધાનકા માધ્યમિક અને ઉચ્ચતર માધ્યમિક શાળા, દાહોદ ખાતે દેશના ૮૦મા સ્વાતંત્ર્ય દિવસની હર્ષોલ્લાસ અને દેશભક્તિના માહોલમાં ભવ્ય ઉજવણી કરવામાં આવી હતી. સમગ્ર શાળા પરિસરમાં ત્રિરંગાની શોભા અને રાષ્ટ્રપ્રેમનો ઉત્સાહ જોવા મળ્યો હતો.
કાર્યક્રમના મુખ્ય અંશો નીચે મુજબ રહ્યા : ધ્વજવંદન: સંસ્થાના પ્રમુખ ગોપાલભાઈ ધાનકાના વરદ હસ્તે ત્રિરંગો લહેરાવીને સલામી આપવામાં આવી હતી. ત્યારબાદ ઉપસ્થિત સૌએ સામૂહિક રાષ્ટ્રગીત ગાઈને ભારત માતાને વંદન કર્યા હતા.
મંચસ્થ મહાનુભાવો : આ પ્રસંગે પ્રમુખસ્થાને ગોપાલભાઈ ધાનકા, શાળાના આચાર્ય બાલકૃષ્ણભાઈ ચાપા તથા સંસ્થાના ટ્રસ્ટી ચંદ્રકાંતાબેન ધાનકા વિશેષ ઉપસ્થિત રહ્યા હતા.
પ્રાસંગિક ઉદ્બોધન : પ્રમુખ ગોપાલભાઈ ધાનકાએ વિદ્યાર્થીઓને દેશના સ્વાતંત્ર્ય સેનાનીઓના બલિદાનને યાદ કરી રાષ્ટ્ર નિર્માણમાં સક્રિય યોગદાન આપવા પ્રેરણા આપી હતી.
આચાર્ય બાલકૃષ્ણભાઈ ચાપાએ શિક્ષણ સાથે રાષ્ટ્રસેવા અને શિસ્તના મહત્વ પર ભાર મૂક્યો હતો. ટ્રસ્ટી ચંદ્રકાંતાબેન ધાનકાએ તેજસ્વી વિદ્યાર્થીઓને ઈનામ આપી શુભકામનાઓ પાઠવી હતી.
સાંસ્કૃતિક કાર્યક્રમો : શાળાના વિદ્યાર્થીઓ દ્વારા દેશભક્તિ ગીતો, વક્તવ્ય અને નૃત્ય સહિતના વિવિધ સાંસ્કૃતિક કાર્યક્રમો રજૂ કરવામાં આવ્યા હતા, જેણે સૌ દર્શકોને મંત્રમુગ્ધ કર્યા હતા.
સંચાલન અને આભારવિધિ : સમગ્ર કાર્યક્રમનું સુચા અને સફળ સંચાલન દેવેન્દ્રભાઈ પરમાર દ્વારા કરવામાં આવ્યું હતું. કાર્યક્રમના અંતે ઉપસ્થિત તમામ વિદ્યાર્થીઓ, શિક્ષકો અને સ્ટાફ મિત્રોને ચોકલેટ વહેંચીને ઉજવણી પૂર્ણ કરવામાં આવી હતી.