નસવાડી તાલુકા પંચાયતના કેમ્પસમાં આવેલી પાણીની ટાંકી જર્જરિત હોવાનુ ગ્રામ પંચાયતે બોર્ડ માર્યુ છે. પરંતુ છેલ્લા એક વર્ષથી આ ટાંકી ઉતારવા માટે ગ્રામ પંચાયતના સત્તાધિશો કોઈ કામગીરી કરતા નથી.
નસવાડી તાલુકા પંચાયતમાં ૨૧૦ ગામોમાંથી લોકો કામ અર્થે આવે છે. તાલુકા પંચાયતના કેમ્પસમાં પાણીની ટાંકી આવેલી છે. આ ટાંકીના પોપડા છેલ્લા એક વર્ષથી પડી રહ્યા છે. તેમજ તેના પિલ્લરોમાં મોટી તિરાડો પડેલી જોવા મળી રહી છે. આ ટાંકી એક વર્ષ ઉપરાંતથી જર્જરિત હોવા છતાંય નસવાડી જુથ ગ્રામ પંચાયતે આ ટાંકી ઉતારવા માટે કોઈ કાર્યવાહી કરી નથી. હાલ તો તાલુકા પંચાયતના કેમ્પસમાં આ જર્જરિત ટાંકી તુટે તો કેટલાય લોકોના જીવ જાય તેમ છે. પરંતુ આવા બોર્ડ મારીને ગ્રામ પંચાયત શુ સિદ્ધ કરવા માંગે છે. હાલ થોડા દિવસ પહેલા જ મોટુ વૃક્ષ કેમ્પસમાં ધરાશાઈ થયુ હતુ. જેને લઈ ગ્રામ પંચાયતના સત્તાધિશોએ જવાબદારી પોતાના માથે ન આવે તે માટે છટકવા બોર્ડ મારી દીધા છે. ત્યારે ટાંકી ધરાશાઈ થાય ત્યારે કોઈનો ભોગ લેવાય તો જવાબદાર કોણ…?તેવા પ્રશ્ર્નો ઉભા થયા છે.