આઇસીસીએ ૨૦૨૬ ટી ૨૦ વર્લ્ડ કપ પહેલા નવીનતમ રેન્કિંગ જાહેર કર્યું છે, જેમાં નોંધપાત્ર ફેરફારો થયા છે. એક પાકિસ્તાની ખેલાડીએ નવીનતમ આઇસીસી રેન્કિંગમાં નંબર ૧ સ્થાન ગુમાવ્યું છે, અને ઝિમ્બાબ્વેના કેપ્ટન સિકંદર રઝા ફરી એકવાર વિશ્વના નંબર ૧ ટી ૨૦ ઓલરાઉન્ડર બન્યા છે.
કોલંબોમાં રમાયેલી ટી ૨૦ વર્લ્ડ કપની પહેલી મેચમાં ઝિમ્બાબ્વેએ આઠ વિકેટથી શાનદાર વિજય મેળવ્યો. સિકંદર રઝાએ બેટ અને બોલ બંનેમાં મહત્વપૂર્ણ યોગદાન આપ્યું. તેણે ચાર ઓવરમાં માત્ર ૧૭ રન આપીને એક વિકેટ લીધી, જેનાથી ઝિમ્બાબ્વેને ઓમાન સામે જીત અપાવવામાં મદદ મળી. આ પ્રભાવશાળી પ્રદર્શનથી તેને આઇસીસી રેન્કિંગમાં ફાયદો થયો, અને તે એક સ્થાન આગળ વધીને નંબર-૧ ઓલરાઉન્ડર બન્યો, તેણે પાકિસ્તાનના સેમ અયુબને પાછળ છોડી દીધો. રઝા અગાઉ ગયા વર્ષના અંત સુધી નંબર-૧ ટી ૨૦ ઓલરાઉન્ડર હતો.
પાકિસ્તાનના સાહિબજાદા ફરહાને ટી ૨૦ બેટિંગ રેન્કિંગમાં નોંધપાત્ર છલાંગ લગાવી છે. સાહિબજાદાએ યુએસએ સામે ૭૩ રનની ઇનિંગ રમી. આ શાનદાર ઇનિંગે તેને રેન્કિંગમાં ચાર સ્થાન આગળ વધીને ત્રીજા સ્થાને પહોંચવામાં મદદ કરી. સાહિબજાદા (૭૬૯ રેટિંગ પોઈન્ટ) હવે ભારતના સ્ટાર બેટ્સમેન અભિષેક શર્મા (૯૦૮ રેટિંગ પોઈન્ટ) ના નામે નંબર-૧ સ્થાન પર નજર રાખશે.
ઇંગ્લેન્ડનો ફિલ સોલ્ટ બીજા સ્થાને છે. જોસ બટલર એક સ્થાન નીચે આવી ગયો છે અને હવે ત્રીજા સ્થાને છે. ટોચના ૧૦ ટી ૨૦ બેટ્સમેન રેિંક્ધગમાં અભિષેક શર્મા, તિલક વર્મા અને સૂર્યકુમાર યાદૃવનો પણ સમાવેશ થાય છે. જોકે, તિલક વર્મા એક સ્થાન નીચે આવી ગયો છે. તિલક પહેલા ચોથા સ્થાને હતો અને હવે તે પાંચમા સ્થાને સરકી ગયો છે. સૂર્યા સાતમા સ્થાને યથાવત છે.
ભારતનો વરુણ ચક્રવર્તી (૭૭૩) ટી ૨૦ બોલરો રેિંક્ધગમાં નંબર-૧ પર યથાવત છે. જોકે, તે પાકિસ્તાનના અબરાર અહેમદૃ (૭૫૩) કરતા થોડો આગળ છે, જે બીજા સ્થાને છે. ટોપ-૧૦માં, શ્રીલંકાના વાનિન્દૃુ હસરંગા એક સ્થાન આગળ વધીને પાંચમા સ્થાને પહોંચી ગયો છે. અર્શદૃીપ િંસહે પણ રેિંક્ધગમાં નોંધપાત્ર છલાંગ લગાવી છે, ત્રણ સ્થાન આગળ વધીને ૧૧મા સ્થાને પહોંચી ગયો છે.