સોમાલિયાના પન્ટલેન્ડ કિનારે ચાંચિયાઓએ કેમરૂન-ધ્વજવાળા કાર્ગો જહાજનું અપહરણ કર્યું હતું. જહાજમાં તુર્કી હથિયારો ભરેલા હતા અને ચાંચિયાઓ તેને નુગાલ કિનારે લઈ ગયા હતા. એસોસિએટેડ પ્રેસ અનુસાર,પન્ટલેન્ડના આઇલ જિલ્લામાં મરાયાથી લગભગ ૩.૫ નોટિકલ માઇલ દૂર જપ્ત કરવામાં આવ્યું હતું. માહિતી આપનાર અધિકારીને સંવેદનશીલ માહિતી વિશે જાહેરમાં લવાનો અધિકાર નહોતો. જહાજના ૧૦ સભ્યોના ક્રૂમાં ઓછામાં ઓછા છ ભારતીયો હતા.
સોમાલીના એક અધિકારીના જણાવ્યા અનુસાર, ચાંચિયાઓ ટર્કિશ હથિયારો લઈને જહાજને પ્રદેશના નુગાલ કિનારા તરફ લઈ ગયા હતા. આઠ ચાંચિયાઓ એ જ જૂથના સભ્યો હોવાનું માનવામાં આવે છે જેણે ૨૬ એપ્રિલે બીજા વેપારી જહાજ, સ્વર્ડનું અપહરણ કર્યું હતું. તેઓ પન્ટલેન્ડના ડાંગોરયો જિલ્લામાં ગાર્મલ નજીક જહાજને કિનારા પર લઈ ગયા હોવાનું કહેવાય છે. અધિકારીએ જણાવ્યું હતું કે જહાજ મોગાદિશુમાં તુર્કી લશ્કરી તાલીમ કેન્દ્ર માટે શ†ો, તેમજ સંદેશાવ્યવહાર અને ઉપગ્રહ સાધનો લઈ જઈ રહ્યું હતું.
અહેવાલો અનુસાર, જહાજ પોલર મૂવમેન્ટ શિપિંગનું હતું. આઠ ચાંચિયાઓ ૨૬ એપ્રિલે સ્/ફ સ્વર્ડનું અપહરણ કરનાર જૂથ સાથે સંકળાયેલા હોવાનું માનવામાં આવે છે. તેઓ જહાજને પન્ટલેન્ડના ડાંગોરયો જિલ્લામાં ગાર્મલ નજીકના કિનારા પર લઈ ગયા હતા. અધિકારીએ જણાવ્યું હતું કે તુર્કીની માલિકીના બે જહાજા પાછળથી અપહરણ કરાયેલા જહાજ પાસે પહોંચ્યા હતા, જ્યારે તુર્કી હેલિકોપ્ટર અને ડ્રોન વિસ્તાર પર નજર રાખી રહ્યા હતા.
મંગળવારે, બે લોકો સાથેની એક નાની હોડી જહાજ પાસે પહોંચી અને ખાટ પહોંચાડી, જે સોમાલિયામાં સામાન્ય રીતે ચાવવામાં આવતો માદક પદાર્થ છે. અધિકારીના જણાવ્યા અનુસાર, બોટ કિનારે પાછી ફર્યા પછી, તે હવાઈ હુમલો થયો, જેમાં ચાર લોકો માર્યા ગયા અને બે અન્ય ઘાયલ થયા. હુમલો કોણે કર્યો તે તાત્કાલિક સ્પષ્ટ થયું નથી અથવા મૃતકો અપહરણમાં સામેલ હતા કે નહીં.જહાજ, તેના ક્રૂ અને તેના કાર્ગોની સ્થિતિ પણ અસ્પષ્ટ હતી.એપીએ કહ્યું કે તે ઘટનાની બધી વિગતો સ્વતંત્ર રીતે ચકાસી શકતું નથી.