સહારનપુરમાં ભાજપના નેતાની સૂતા સમયે ગોળી મારીને હત્યા કરી દેવામાં આવી. હુમલાખોરે તેમના માથાની વચ્ચોવચ ગોળી મારી. મૃતદેહ ઘરના પાછળના ભાગમાં ખાડલા પર મળ્યો. દુર્ઘટના સમયે ઘરમાં 10 લોકો હાજર હતા, પરંતુ કોઇને ઘટનાની જાણ થઈ નહીં.
શનિવારે સવારે પુત્રવધૂ ચા આપવા માટે પહોંચી ત્યારે તે લોહીથી લથપથ લાશ જોઈને બૂમો પાડવા લાગી. અવાજ સાંભળીને પરિવારના લોકો ત્યાં પહોંચ્યા. સૂચના મળવા પર પોલીસ અને ફોરેન્સિક ટીમે ઘટનાસ્થળ પર હાજર પુરાવા એકઠા કર્યા.
દુર્ઘટના નકુડના ડિડૌલી ગામની છે. 64 વર્ષના ધર્મસિંહ અંબેહટા મંડળમાં ભાજપના ઉપાધ્યક્ષ હતા. તેમનો દીકરો સુશીલ પણ ભાજપમાં અંબેહટા મંડળનો મહામંત્રી છે.સુશીલે જણાવ્યું-
રાતે લગભગ 9 વાગ્યે મેં પિતાને ચા આપી હતી, ત્યારે તેઓ ઠીક હતા. એ પછી હું સૂવા જતો રહ્યો. અમારી કોઈ સાથે દુશ્મની નથી. અમારો પરિવાર 2014માં ભાજપ સાથે જોડાયો હતો.
હવે આખો મામલો સમજો…
જ્યારે પુત્રવધૂ ચા આપવા આવી ત્યારે તેણે મૃતદેહ જોયો શુક્રવારે રાત્રે ધર્મ સિંહ (65) તેમના ઘરની પાછળના ભાગમાં સૂતા હતા. જ્યારે તેમની પુત્રવધૂ સવારે 6:45 વાગ્યે તેમને ચા આપવા આવી ત્યારે તેણે ધર્મ સિંહનો મૃતદેહ જોયો. ખાટલા અને આસપાસના વિસ્તારોમાં લોહી જોઈને તેણે બૂમ પાડી. પરિવારના સભ્યો અને ગ્રામજનો એકઠાં થઈ ગયાં. તેમણે પોલીસને જાણ કરી.
તેઓ 2014માં ભાજપમાં જોડાયા હતા ગામલોકોએ જણાવ્યું હતું કે ધર્મ સિંહ 2014માં ભાજપમાં જોડાયા હતા. એ પહેલાં તેઓ બસપામાં મહીપાલ માજરાના નજીકના હતા. તેમની પત્નીનું 15 વર્ષ પહેલાં અવસાન થયું હતું. તેમને ચાર બાળકો છે: ત્રણ છોકરા અને એક છોકરી. છોકરી અપંગ છે અને બોલી કે ચાલી શકતી નથી.
મોટા દીકરા સુમિલ પાસે બિરાખેડી ગામમાં પંજાબ નેશનલ બેંકની ફ્રેન્ચાઇઝી છે, જ્યારે બીજા દીકરા અમિત કોરી પાસે યુકો બેંકની ફ્રેન્ચાઇઝી છે. નાનો દીકરો સુશીલ અંબેહતા મંડળ ભાજપના મહાસચિવ છે.