પીએમ મોદી આજે સાંજે 5 વાગ્યે સુપ્રીમ કોર્ટ ખાતે એક કોન્ફરન્સને સંબોધિત કરશે. આ કાર્યક્રમનો વિષય છે “કાનૂની સહાય વિતરણ વ્યવસ્થાને મજબૂત બનાવવી.” આ કોન્ફરન્સ બે દિવસ ચાલશે, જેનો આજે પહેલો દિવસ છે. પીએમ મોદી નેશનલ લીગલ સર્વિસીસ ઓથોરિટી (NALSA) દ્વારા આયોજિત આ કોન્ફરન્સનું ઉદ્ઘાટન કરશે.
આ કાર્યક્રમનો ઉદ્દેશ્ય ન્યાય વ્યવસ્થાને સુલભ અને અસરકારક બનાવવાનો છે, જેથી દેશના વંચિત અને સંવેદનશીલ વર્ગોને પણ સમયસર, મફત કાનૂની સહાય મળી શકે.
કોન્ફરન્સમાં કયા વિષયો પર ચર્ચા થઈ? બે દિવસીય આ પરિષદ દેશમાં કાનૂની સહાય પ્રણાલીને મજબૂત બનાવવા પર ધ્યાન કેન્દ્રિત કરશે. પરિષદ દરમિયાન ચાર મુદ્દાઓ પર ચર્ચા કરવામાં આવશે.
- કાનૂની સહાય સંરક્ષણ સલાહકાર પ્રણાલી (LADCS)
- પેનલ વકીલો અને પેરા-લીગલ સ્વયંસેવકોની ભૂમિકા
- કાયમી લોક અદાલતોનું કાર્ય
- કાનૂની સેવા સંસ્થાઓનું નાણાકીય વ્યવસ્થાપન અને સંસાધન ફાળવણી