અમેરિકાએ નાઇજીરીયામાં આઇએસઆઇએસના ઠેકાણાઓ પર મોટો હુમલો કર્યો છે. અમેરિકાએ ઉત્તરપશ્ર્ચિમ નાઇજીરીયામાં હવાઈ હુમલો કર્યો. અમેરિકાએ હવાઈ હુમલાનો વીડિયો પણ બહાર પાડ્યો છે. યુએસ પ્રમુખ ડોનાલ્ડ ટ્રમ્પે સોશિયલ મીડિયા પર આ યુએસ હુમલા વિશે માહિતી શેર કરી.
ડોનાલ્ડ ટ્રમ્પે ટૂથ સોશિયલ પર એક પોસ્ટમાં જણાવ્યું હતું કે ઉત્તરપશ્ર્ચિમ નાઇજીરીયામાં આઇએસઆઇએસ પરનો આ હુમલો ખ્રિસ્તીઓની હત્યા કરનારા આતંકવાદીઓને નિશાન બનાવવા માટે કરવામાં આવ્યો હતો. ટ્રમ્પે આગળ લખ્યું, આજે રાત્રે, કમાન્ડર ઇન ચીફ તરીકે મારા નિર્દેશ પર, યુનાઇટેડ સ્ટેટ્સે ઉત્તરપશ્ર્ચિમ નાઇજીરીયામાં આઇએસઆઇએસ આતંકવાદી જૂથો સામે એક શક્તિશાળી અને ઘાતક હુમલો શરૂ કર્યો.
ટ્રમ્પે વધુમાં કહ્યું, આ આઇએસઆઇએસ આતંકવાદીઓ વર્ષોથી, ખરેખર સદીઓથી નિર્દોષ ખ્રિસ્તીઓને નિશાન બનાવી રહ્યા છે અને તેમની નિર્દયતાથી હત્યા કરી રહ્યા છે. મેં આ આતંકવાદીઓને પહેલા પણ ચેતવણી આપી છે કે જો તેઓ ખ્રિસ્તીઓનો નરસંહાર બંધ નહીં કરે, તો તેમને ભયંકર પરિણામોનો સામનો કરવો પડશે, અને આજે રાત્રે આવું જ થયું છે.
યુએસ રાષ્ટ્રપતિએ કહ્યું, યુદ્ધ વિભાગે અસંખ્ય સચોટ હુમલાઓ કર્યા; મારા નેતૃત્વ હેઠળ ફક્ત યુનાઇટેડ સ્ટેટ્સ જ આ કરી શકે છે. આપણો દેશ કટ્ટરપંથી ઇસ્લામિક આતંકવાદને ખીલવા દેશે નહીં. ભગવાન આપણી સેનાને આશીર્વાદ આપે, અને દરેકને નાતાલની શુભકામનાઓ. જો તેઓ ખ્રિસ્તીઓનો નરસંહાર કરવાનું ચાલુ રાખશે તો માર્યા ગયેલા આતંકવાદીઓની સંખ્યા વધુ હશે.યુદ્ધ વિભાગે સોશિયલ મીડિયા પ્લેટફોર્મ એકસ પર હવાઈ હુમલાના ફૂટેજ જાહેર કર્યા. યુદ્ધ વિભાગે કહ્યું કે આ હુમલાઓ રાતોરાત ચાલી હતી અને આ કાર્યવાહીને શક્તિ દ્વારા શાંતિ ના પ્રદર્શન તરીકે વર્ણવી હતી.
નાઇજીરીયામાં આ અત્યાર સુધીનું યુએસનું સૌથી મોટું ઓપરેશન છે. આ ઓપરેશન ઇસ્લામિક સ્ટેટના શંકાસ્પદ હુમલાખોરે મય સીરિયન શહેર પાલમિરામાં યુએસ અને સીરિયન દળોને લઈ જતા કાફલાને નિશાન બનાવ્યાના થોડા દિવસો પછી જ કરવામાં આવ્યું હતું.