ઈન્ડિયા એઆઇ સમિટ ૨૦૨૬માં, ફ્રેન્ચ રાષ્ટ્રપતિઇમેન્યુઅલ મેક્રોને પીએમ મોદીને ૧૫ વર્ષથી ઓછી ઉંમરના બાળકો માટે સોશિયલ મીડિયા પર પણ પ્રતિબંધ મૂકવાની હાકલ કરી હતી. મેક્રોને કહ્યું હતું કે ફ્રાન્સે ૧૫ વર્ષથી ઓછી ઉંમરના બાળકો માટે સોશિયલ મીડિયા પર પ્રતિબંધ મૂક્યો છે. “અમે પહેલાથી જ આ માર્ગ પર આગળ વધી ચૂક્્યા છીએ. વડા પ્રધાન મોદી પણ તેનું પાલન કરશે.” તેમણે ભારતના વધતા ડિજિટલ ઇન્ફ્રાસ્ટ્રક્ચરની પણ પ્રશંસા કરી.
ફ્રાન્સના રાષ્ટ્રપતિ મેક્રોને કહ્યું, “બાળકો અને કિશોરોની સુરક્ષા માટે વડા પ્રધાન મોદી આ ક્લબમાં જાડાશે.” મેક્રોને આશા વ્યક્ત કરી કે વડા પ્રધાન મોદી બાળકો માટે સોશિયલ મીડિયા પર પ્રતિબંધ મૂકવા માટે પગલાં લેશે. તેમણે આગળ કહ્યું, “બાળ સુરક્ષા એ કોઈ નિયમ નથી, પરંતુ એક સભ્યતા છે.”
મેક્રોને કહ્યું, “૧૦ વર્ષ પહેલાં, મુંબઈમાં એક શેરી વિક્રેતા બેંક ખાતું ખોલી શકતો ન હતો. પરંતુ આજે, તે જ વિક્રેતા તેમના ફોન પર ચુકવણી સ્વીકારે છે. ભારતે એવું કંઈક બનાવ્યું છે જે વિશ્વના અન્ય કોઈ દેશે પ્રાપ્ત કર્યું નથી. ભારતે ૧.૪ અબજ લોકો માટે ડિજિટલ ઓળખ બનાવી છે. એક ચુકવણી પ્રણાલી જે હવે દર મહિને ૨૦ અબજ વ્યવહારોનું સંચાલન કરે છે.” એક આરોગ્ય માળખા કે જેણે ૫૦૦ મિલિયન ડિજિટલ આરોગ્ય આઇડી જારી કર્યા છે.
ફ્રાન્સના રાષ્ટÙપતિ મેક્રોને કહ્યું, “જ્યારે તણાવ વધી રહ્યો છે, ત્યારે આપણા બધા ડિજિટલ સાધનોને આ સમાવેશી અભિગમ તરફ દિશામાન કરવાની જરૂર વધુ છે, જેથી આપણે ફક્ત ભારતમાં જ નહીં પરંતુ આફ્રિકન ખંડમાં પણ મજબૂત બની શકીએ. ચાલો આપણે બધા સાથે મળીને વિભાજન કરવાને બદલે જાડાણ પર, નાશ કરવાને બદલે બનાવવા પર અને લેવાને બદલે શેર કરવા પર ધ્યાન કેન્દ્રિત કરીએ.”
મેક્રોને વધુમાં કહ્યું, “હું, ફ્રાન્સ, આ અભિગમને પ્રોત્સાહન આપવા માટે ય્૭ ના અમારા પ્રમુખપદનો ઉપયોગ કરવા માંગુ છું. હું જાણું છું કે ભારત તમારા બ્રિકસ પ્રમુખપદ દ્વારા પણ આવું જ કરશે. કોઈપણ દેશ ફક્ત એક બજાર તરીકે કાર્ય કરવા માટે બંધાયેલો નથી જ્યાં વિદેશી કંપનીઓ તેમના મોડેલ વેચે છે અને નાગરિકોનો ડેટા ડાઉનલોડ કરે છે.”