ગુજરાતમાં શિયાળાની ૠતુમાં વેસ્ટર્ન ડિસ્ટર્બન્સની અસરને કારણે બેવડી ૠતુ જેવું વાતાવરણ જોવા મળી રહ્યું છે. ઉત્તર-પૂર્વીય પવનોના કારણે રાજ્યમાં ઠંડીનું જોર વધી રહ્યું છે, અને હવામાન વિભાગના અનુમાન મુજબ આગામી દિવસોમાં વધુ ઠંડક વધવાની શક્યતા છે. જોકે, પવનની દિશામાં ફેરફાર થતાં તાપમાનમાં હળવો વધારો થઈ શકે છે, જેનાથી લોકોને કડકડતી ઠંડીમાંથી આંશિક રાહત મળી શકે છે. રાજ્યના અનેક વિસ્તારોમાં લઘુત્તમ તાપમાનમાં નોંધપાત્ર ઘટાડો નોંધાયો છે.
ક્રમ શહેર / વિસ્તાર નોંધાયેલ લઘુત્તમ તાપમાન
૧ અમરેલી ૧૨.૦
૨ નલિયા ૧૨.૦
૩ કેશોદ ૧૨.૯
૪ ભુજ ૧૪.૦
૫ મહુવા ૧૪.૩
૬ વડોદરા ૧૪.૨
૭ અમદાવાદ ૧૫.૫
૮ ગાંધીનગર ૧૫.૫
૯ કંડલા એરપોર્ટ ૧૫.૦
૧૦ ડીસા ૧૬.૦
૧૧ દમણ ૧૫.૦
૧૨ દીવ ૧૫.૫
તાપમાનના કારણે રાજ્યમાં વહેલી સવારે અને મોડી રાત્રે કડકડતી ઠંડીનો અનુભવ થઈ રહ્યો છે. હવામાન નિષ્ણાતોના જણાવ્યા મુજબ વેસ્ટર્ન ડિસ્ટર્બન્સની અસરથી ઉત્તર ભારતમાં થયેલી બરફવર્ષાના કારણે ઠંડા પવનો ગુજરાત તરફ વહેતા હોવાથી ઠંડીમાં વધારો નોંધાયો છે. શિયાળામાં મય ગુજરાતના મુખ્ય શહેરો અમદાવાદ અને ગાંધીનગરમાં પણ ઠંડીનું પ્રમાણ જળવાઈ રહ્યું છે. આગામી દિવસોમાં અહીં લઘુત્તમ તાપમાન ૧૫ થી ૧૬ ડિગ્રી આસપાસ રહેવાની સંભાવના છે. પવનની દિશા બદલાતાં લઘુત્તમ તાપમાનમાં ૧-૨ ડિગ્રીનો વધારો થઈ શકે છે, જેનાથી વહેલી સવાર અને મોડી રાત્રે અનુભવાતી કડકડતી ઠંડીમાં થોડી રાહત રહેશે.