લોક્સભામાં વિપક્ષના નેતા રાહુલ ગાંધીએ કેન્દ્રીય માહિતી આયોગમાં માહિતી કમિશનરોની નિમણૂક અંગે ગંભીર આરોપો લગાવ્યા છે. મીડિયા અહેવાલો બાદ, સરકારી સૂત્રોએ જણાવ્યું હતું કે વિપક્ષના નેતાના દાવા વાસ્તવિક્તાથી ઘણા દૂર છે. રાહુલ ગાંધીના નજીકના સૂત્રોએ જણાવ્યું હતું કે વિપક્ષના નેતાએ એક બેઠકમાં વિરોધ કર્યો હતો, અને કહ્યું હતું કે શોર્ટલિસ્ટમાં અનુસૂચિત જાતિ, અનુસૂચિત જનજાતિ, અન્ય પછાત વર્ગો, આથક રીતે નબળા વર્ગો અને લઘુમતી સમુદાયોના નામોનો સમાવેશ થતો નથી. તેમણે દાવો કર્યો હતો કે બંધારણીય અને સ્વાયત્ત સંસ્થાઓમાંથી આ સમુદાયોને ઇરાદાપૂર્વક બાકાત રાખવાની એક વ્યવસ્થિત પેટર્ન હતી.
સરકારી સૂત્રો અનુસાર, હકીક્તો રાહુલ ગાંધીના દાવાઓ કરતાં અલગ ચિત્ર રજૂ કરે છે. કેન્દ્રીય માહિતી આયોગની સ્થાપના ૨૦૦૫ માં કરવામાં આવી હતી. ૨૦૦૫ થી ૨૦૧૪ સુધીના યુપીએ સરકારના કાર્યકાળ દરમિયાન, એસસી એસટી સમુદાયના એક પણ વ્યક્તિને કમિશનના સભ્ય કે અયક્ષ તરીકે નિયુક્ત કરવામાં આવ્યા ન હતા. દ્ગડ્ઢછ સરકારે પોતે ૨૦૧૮ માં સુરેશ ચંદ્રાની નિમણૂક કરી હતી, જે એસટી સમુદાયના હતા. ૨૦૨૦ માં, હીરાલાલ સમરિયાને માહિતી કમિશનર તરીકે નિયુક્ત કરવામાં આવ્યા હતા, અને ૨૦૨૩ માં, તેઓ અનુસૂચિત જાતિ સમુદાયના પ્રથમ મુખ્ય માહિતી કમિશનર બન્યા હતા. બુધવારની બેઠકમાં આઠ ખાલી જગ્યાઓ પર વિચારણા કરવામાં આવી હતી. સૂત્રોના જણાવ્યા અનુસાર, કેન્દ્ર સરકારે એક એસસી , એક એસટી, એક ઓબીસી, એક લઘુમતી પ્રતિનિધિ અને એક મહિલાની ભલામણ કરી હતી. કુલ મળીને, આઠ નામોમાંથી પાંચ વંચિત સમુદાયોના હતા, જેના કારણે રાહુલ ગાંધીના દાવાઓ અસમર્થ બન્યા.
રાહુલ ગાંધીના નજીકના સૂત્રોના જણાવ્યા અનુસાર, કોંગ્રેસ નેતાએ સીવીસીમાં સીઆઇસી, આઠ આઇસી અને એક વીસીની નિમણૂક માટે વડા પ્રધાન અને ગૃહમંત્રી સાથેની બેઠકમાંથી દલિત, આદિવાસી,ઓબીસી/ઇબીસી અને લઘુમતી સમુદાયોના ૯૦ ટકા ભારતીયોને બાકાત રાખવાનો મુદ્દો ભારપૂર્વક ઉઠાવ્યો. રાહુલ ગાંધીએ જણાવ્યું હતું કે બંધારણીય અને સ્વાયત્ત સંસ્થાઓમાં આ પ્રકારનો બાકાત એક વ્યવસ્થિત પેટર્ન છે. થોડા અઠવાડિયા પહેલા, તેમણે અરજદારોની જાતિ રચના અંગે માહિતી માંગી હતી. ગુરુવારે જાહેર કરાયેલા એક નિવેદનમાં, સરકારે સ્વીકાર્યું કે ૭ ટકાથી ઓછા અરજદારો અને ફક્ત એક શોર્ટલિસ્ટેડ ઉમેદવાર બહુજન સમુદાયોના હતા.
રાહુલ ગાંધીના નજીકના સૂત્રોના જણાવ્યા અનુસાર, વિપક્ષના નેતા દ્વારા આ મુદ્દો ઉઠાવ્યા પછી, વડા પ્રધાન અને ગૃહમંત્રી મર્યાદિત અરજદાર પૂલમાંથી કેટલીક નિમણૂકો પર વિચાર કરવા સંમત થયા. સૂત્રોએ જણાવ્યું હતું કે સરકાર પાસે સમિતિમાં ૨:૧ બહુમતી છે, તેથી નિમણૂકોમાં વિપક્ષના નેતાના વિરોધ પક્ષના પક્ષને કેવી રીતે યાનમાં લેવામાં આવશે તે જોવાનું બાકી છે.