રાજસ્થાનના ઉદયપુરમાં એક આઇટી કંપનીના મેનેજર પર ગેંગરેપ કરવામાં આવ્યો છે. મહિલા પર ચાલતી કારમાં કથિત રીતે બળાત્કાર કરવામાં આવ્યો હતો. પોલીસે બુધવારે જણાવ્યું હતું કે આ ઘટના શનિવારે રાત્રે બની હતી. પીડિતા જન્મદિવસની પાર્ટીમાં ગઈ હતી અને બધા મહેમાનો ગયા ત્યારે તે એકલી રહી ગઈ હતી. પીડિતાએ આરોપ લગાવ્યો હતો કે કંપનીના મહિલા એક્ઝિક્યુટિવ હેડે તેને ઘરે મૂકવાના બહાને તેની કારમાં લલચાવી હતી. કારમાં એક્ઝિક્યુટિવ હેડના પતિ અને કંપનીના ચીફ એક્ઝિક્યુટિવ ઓફિસર (સીઈઓ) પણ હાજર હતા.
પીડિતાએ પોતાની ફરિયાદમાં જણાવ્યું હતું કે ત્રણે પુરુષો તેને ઘરે મૂકવા ગયા હતા, પરંતુ રસ્તામાં તેઓએ એક દુકાનમાંથી સિગારેટ જેવું કંઈક ખરીદ્યું અને તેને આપ્યું. સિગારેટ પીધા પછી, તે બેભાન થઈ ગઈ. પોલીસે જણાવ્યું હતું કે બીજા દિવસે સવારે, પીડિતાને ખબર પડી કે તેનું જાતીય શોષણ થયું છે અને તેણે પોલીસ ફરિયાદ નોંધાવવાનું નક્કી કર્યું.
ઉદયપુરના પોલીસ અધિક્ષક યોગેશ યાદવ ગોયલે જણાવ્યું હતું કે, ફરિયાદના આધારે, મંગળવારે ત્રણે આરોપીઓ સામે કેસ નોંધવામાં આવ્યો છે. આરોપીઓને કસ્ટડીમાં લેવામાં આવ્યા છે અને તેમની પૂછપરછ કરવામાં આવી રહી છે. તબીબી તપાસ રિપોર્ટ અને નિવેદનોના આધારે આગળની કાર્યવાહી કરવામાં આવશે.
પીડિતાએ જણાવ્યું હતું કે આરોપીએ તેને સવારે ૫ વાગ્યાની આસપાસ ઘરે છોડી દીધી હતી. તેણીએ જણાવ્યું હતું કે તેના ગુપ્ત ભાગો પર ઈજાઓ હતી. ત્યારબાદ તેણે કારના ડેશકૅમની તપાસ કરી, જેમાં આરોપીઓની બધી ક્રિયાઓ રેકોર્ડ કરવામાં આવી હતી. તેના આધારે, પીડિતાએ ૨૩ ડિસેમ્બરે ફરિયાદ નોંધાવી હતી. પોલીસે તપાસ માટે કારમાંથી ડેશકેમ રેકોડગ અને નમૂનાઓ એકત્રિત કર્યા છે.એફએસએલ ટીમે કારમાંથી વિવિધ પ્રકારના પુરાવા એકત્રિત કર્યા છે. આ પુરાવા આરોપીને દોષિત સાબિત કરવામાં મહત્વપૂર્ણ ભૂમિકા ભજવી શકે છે.