ગોધરા શહેરમાં વિજયાદશમી પર્વની ઉજવણીના ભાગપે પરંપરાગત રાવણ દહન કાર્યક્રમની તમામ તૈયારીઓ આખરી ઓપ આપી પૂર્ણ કરી દેવામાં આવી છે. ગોધરા નગરપાલિકા દ્વારા શહેરના જાણીતા લાલબાગ મેદાન ખાતે આ વિશેષ આયોજન કરવામાં આવ્યું છે. વિજયાદશમીની સાંજે શાસ્ત્રોક્ત ધાર્મિક વિધિપૂર્વક પૂતળાંનું દહન કરીને અસત્ય પર સત્યના વિજયનો પવિત્ર સંદેશ આપવામાં આવશે.
રાજસ્થાનના કારીગરોએ પૂતળાં બનાવ્યા આ ભવ્ય કાર્યક્રમ માટે ખાસ રાજસ્થાનના ડુંગરપુરથી ૫ જેટલા કુશળ કારીગરોને ગોધરા બોલાવવામાં આવ્યા હતા. આ કારીગરો દ્વારા રાવણ, કુંભકર્ણ અને મેઘનાદના વિશાળ પૂતળાં તૈયાર કરવામાં આવ્યા છે. નગરપાલિકાના આ પરંપરાગત આયોજનને આખરી ઓપ આપી દેવામાં આવ્યો છે, જેને જોવા માટે સ્થાનિક રહીશોમાં ભારે ઉત્સુકતા અને આકર્ષણ જોવા મળી રહ્યું છે.
મોટી સંખ્યામાં લોકો ઉમટશે વિજયાદશમીના આ ઉત્સવમાં ગોધરા શહેર તેમજ આસપાસના ગ્રામીણ વિસ્તારોમાંથી મોટી સંખ્યામાં શ્રદ્ધાળુઓ અને નાગરિકો ઉપસ્થિત રહે તેવી પૂરેપૂરી સંભાવના છે. આ બાબતને ધ્યાનમાં રાખીને નગરપાલિકા તંત્ર દ્વારા તમામ મુલાકાતીઓની સુવિધા માટે યોગ્ય બેઠક વ્યવસ્થા અને કોઈ અણબનાવ ન બને તે માટે જરી સુરક્ષા વ્યવસ્થા પૂરી પાડવામાં આવી છે.
શહેરમાં ઉત્સાહનો માહોલ છવાયો વિજયાદશમી પર્વ નિમિત્તે લાલબાગ મેદાન ખાતે આયોજીત થનારા રાવણ દહન કાર્યક્રમને લઈને સમગ્ર ગોધરા શહેરમાં ભારે ઉત્સાહ અને આનંદનો માહોલ જોવા મળી રહ્યો છે. સ્થાનિક તંત્ર દ્વારા નાગરિકો શાંતિપૂર્ણ અને ઉત્સાહવર્ધક વાતાવરણમાં ઉત્સવની ઉજવણી કરી શકે તે માટે સુચા આયોજન અને તકેદારીના તમામ પગલાં સુનિશ્ચિત કરવામાં આવ્યા છે.