સુપ્રીમ કોર્ટે ખેડૂતોના પાક માટે લઘુત્તમ ટેકાના ભાવ (એમએસપી) સુનિશ્ચિત કરવાની માંગ કરતી અરજીનો જવાબ માંગતી કેન્દ્ર સરકારને નોટિસ જારી કરી છે. અરજીમાં માંગ કરવામાં આવી છે કે એમએસપી નક્કી કરતી વખતે સરકારે ખેતીનો સંપૂર્ણ વાસ્તવિક ખર્ચ ધ્યાનમાં લેવો જાઈએ. સરકારે એમએસપી પર પોતાનો પાક વેચવા માંગતા ખેડૂતોનો સંપૂર્ણ પાક ખરીદવો જાઈએ. વધુમાં, દરેક ગામ, બ્લોક, તાલુકા અને જિલ્લામાં પર્યાપ્ત સરકારી ખરીદી કેન્દ્રો સ્થાપિત કરવા જાઈએ. ખેડૂતોની આર્થિક મુશ્કેલીને ધ્યાનમાં રાખીને, તેમના કૃષિ દેવા માફ કરવા જાઈએ.
ભારતના મુખ્ય ન્યાયાધીશ સૂર્યકાંત અને ન્યાયાધીશ જાયમલ્યા બાગચીની બનેલી બેન્ચે કેન્દ્ર સરકાર અને કૃષિ ખર્ચ અને કિંમતો આયોગ સહિત અન્ય પક્ષોને નોટિસ જારી કરીને અરજીનો જવાબ માંગ્યો હતો. અરજદારોનું પ્રતિનિધિત્વ કરતા એડવોકેટ પ્રશાંત ભૂષણે જણાવ્યું હતું કે આ અરજી દેશના ખેડૂતો સંબંધિત ખૂબ જ મહત્વપૂર્ણ મુદ્દો ઉઠાવે છે. અરજીમાં વિનંતી કરવામાં આવી છે કે અધિકારીઓને એમએસપી હેઠળના તમામ સૂચિત પાકોની સંપૂર્ણ ખરીદી સુનિશ્ચિત કરવા નિર્દેશ આપવામાં આવે, જે ખેતીના વાસ્તવિક ખર્ચના આધારે નક્કી કરવામાં આવે. અરજીમાં એવી પણ વિનંતી કરવામાં આવી છે કે એમએસપી પર પોતાનો પાક વેચવા માંગતા ખેડૂતો માટે પાકની સંપૂર્ણ ખરીદી સુનિશ્ચિત કરવા માટે યોગ્ય પગલાં લેવામાં આવે.
અરજદાર વકીલ પ્રશાંત ભૂષણે જણાવ્યું હતું કે દર વર્ષે ૧૦,૦૦૦ થી વધુ ખેડૂતો આત્મહત્યા કરે છે. એમએસપી ખર્ચ કિંમત કરતાં ઓછી ચૂકવવામાં આવે છે. તે પડતર કિંમત વત્તા ૫૦ ટકા હોવી જાઈએ. ફક્ત ઘઉં અને અનાજ એમએસપી પર ખરીદવામાં આવે છે, જ્યારે અન્ય પાકોને એમએસપીના માત્ર ૨ કે ૩ ટકા મળે છે. આનાથી ખેડૂતોને ભારે તકલીફ પડી છે, કારણ કે આ તેમના માટે બેવડો ફટકો છે.
સીજેઆઇ સૂર્ય કાંતે કહ્યું, “ઘણા બધા ગાણિતિક સૂત્રો પ્રસ્તાવિત કરવામાં આવી રહ્યા છે. જમીન અને મૂડી ખર્ચમાં મુશ્કેલીઓ આવશે. શું આ રાજ્યથી રાજ્યમાં બદલાશે નહીં?” પ્રશાંત ભૂષણે જવાબ આપ્યો કે સરકાર દ્વારા મફત રાશનની જાગવાઈ ઠીક છે, પરંતુ તેનો અર્થ એ નથી કે ખેડૂતો એટલા પ્રભાવિત છે કે તેઓ તેમના ખર્ચને પૂર્ણ કરી શકતા નથી અને આત્મહત્યા કરે છે. સમગ્ર દેશ માટે ભારિત સરેરાશ ખર્ચ લો અને એટલું ચૂકવો. જા કે,સીજેઆઇએ નોંધ્યું કે અહીં મોટી જમીન ધરાવતા ખેડૂતો છે, અને દરેક માટે એક સમાન નીતિ હોઈ શકતી નથી.