નેપાળમાં અચાનક પૂરથી મૃત્યુઆંક બુધવારે ૧,૪૦૦ ને વટાવી ગયો. પૂરગ્રસ્ત જિલ્લાઓમાં વધુ મૃતદેહો મળી આવ્યા હોવાથી, બચાવ ટીમો ૬,૦૦૦ થી વધુ ગુમ થયેલા લોકોને શોધી રહી છે. નેપાળ પોલીસ દ્વારા જારી કરાયેલા બુલેટિન મુજબ, મૃત્યુઆંક વધીને ૧,૪૦૪ થયો છે. અધિકારીઓએ જણાવ્યું હતું કે અત્યાર સુધીમાં ૧૩,૭૦૦ થી વધુ લોકોને બચાવી લેવામાં આવ્યા છે, જ્યારે લગભગ ૬,૧૫૦ લોકો હજુ પણ ગુમ છે. ચીન બાજુના પૂરમાં ૪૩ લોકોના મોત થયા છે.૨૬ ઓગસ્ટના રોજ નેપાળ-તિબેટ સરહદ નજીક આવેલા હિમપ્રપાતને કારણે આવેલા અચાનક પૂરે ઉત્તર અને મધ્ય નેપાળના શહેરો અને ગામડાઓમાં વિનાશ મચાવ્યો હતો. હિમાલય સરહદી પ્રદેશથી દક્ષિણ તરફ વહેતી ભોટેકોશી નદીમાં પાણી ભરાઈ ગયું, ઘરો, વાહનો, રસ્તાઓ અને પુલોને તણાઈ ગયા અને જળવિદ્યુત પ્રોજેક્ટ્સને નુકસાન થયું. આ દુર્ઘટનાને હવે ૨૧ દિવસ વીતી ગયા છે.
ચીની મીડિયા અનુસાર, ચીન બાજુના પૂરમાં ૪૩ લોકો માર્યા ગયા છે અને ૫૦૦ થી વધુ લોકો હજુ પણ ગુમ છે. અધિકારીઓએ જણાવ્યું હતું કે એકલા ચિતવાન જિલ્લામાં ૩૬૪ મૃતદેહો મળી આવ્યા છે, જે નેપાળના તમામ જિલ્લાઓમાં સૌથી વધુ છે. આ પછી, નવલપરાસી પૂર્વમાં ૨૩૨ અને નવલપરાસી પશ્ચિમમાં ૨૨૨ મૃતદેહો મળી આવ્યા હતા. બાકીના મૃતદેહો નુવાકોટ, રાસુવા, ગોરખા, ધાડિંગ અને તાનાહુન જિલ્લામાંથી મળી આવ્યા હતા.
અધિકારીઓના મતે, મૃતકોની ઓળખ એક મોટો પડકાર ઉભો કર્યો છે. અત્યાર સુધી મળી આવેલા કુલ મૃતદેહોમાંથી, ફક્ત ૧૦૪ ની ઓળખ કરીને તેમના પરિવારોને સોંપવામાં આવ્યા છે. અધિકારીઓએ જણાવ્યું હતું કે જે મૃતદેહો નીચે વહી ગયા છે તે ગંભીર રીતે ક્ષતિગ્રસ્ત અથવા સડી ગયેલા છે, અથવા ફક્ત શરીરના ભાગો જ મળી આવ્યા છે. તેથી, ચહેરા, કપડાં અથવા વ્યક્તિગત સામાનના આધારે તેમની ઓળખ કરવી મુશ્કેલ છે.
ફોરેન્સિક નિષ્ણાતોના મતે, ઘણા કિસ્સાઓમાં ડીએનએ પરીક્ષણ મહત્વપૂર્ણ બની ગયું છે, પરંતુ તે સમય માંગી લે તેવી પ્રક્રિયા છે. પૂરગ્રસ્ત રાસુવા અને નુવાકોટ જિલ્લાઓમાં અનેક જળવિદ્યુત પ્રોજેક્ટ્સ પર શોધ ટીમો તૈનાત કરવામાં આવી છે, જ્યાં મોટી સંખ્યામાં કામદારોનો કોઈ હિસાબ નથી. આ કામગીરીમાં નેપાળ સેના, સશ† પોલીસ દળ અને વિદેશી તકનીકી નિષ્ણાતો સામેલ છે.ભારતમાં નેપાળના રાજદૂત નવીન શ્રીવાસ્તવે બુધવારે જણાવ્યું હતું કે ભારતીય અને નેપાળી બચાવ ટીમો, ઘણા દિવસો સુધી કાંપ અને કાદવ દૂર કર્યા પછી, ચિલીમે હાઇડ્રોઇલેક્ટ્રક પ્રોજેક્ટના પાવરહાઉસ પર પહોંચી અને ટનલમાંથી પાંચ લોકોના મૃતદેહ બહાર કાઢ્યા.