બોલીવુડ અભિનેતા ઇમરાન ખાન ફરી એકવાર કાનૂની વિવાદમાં ફસાયા છે. અભિનેતાએ ફોરેનર્સ રિજનલ રજિસ્ટ્રેશન ઓફિસની નોટિસને બોમ્બે હાઇકોર્ટમાં પડકારવાનો નિર્ણય લીધો છે, જેમાં તેમને ૨૮ ઓક્ટોબર સુધીમાં ભારત છોડવાનો નિર્દેશ આપવામાં આવ્યો છે. અહેવાલો અનુસાર, ઇમરાન ખાન ટૂંક સમયમાં તાત્કાલિક સુનાવણી માટે કોર્ટમાં અરજી દાખલ કરશે. આ કેસ ૧૦ ઓક્ટોબરે મુંબઈના ઓગસ્ટ ક્રાંતિ મેદાનમાં થયેલા વિરોધ પ્રદર્શન સાથે સંબંધિત છે, જેના પગલે અભિનેતા સામે ફરિયાદ દાખલ કરવામાં આવી હતી.
ઈમરાન ખાન નિર્ધારિત સમયમર્યાદામાં ભારત છોડવાના એફઆરઆરઓના આદેશને પડકારવાની તૈયારી કરી રહ્યા છે. અરજી દાખલ થયા બાદ, તેને તાત્કાલિક સુનાવણી માટે સૂચિબદ્ધ કરવામાં આવે તેવી શક્્યતા છે. અહેવાલો અનુસાર, આ કેસ મુખ્ય ન્યાયાધીશ મહેશ ચંદ્ર ત્રિપાઠી અને ન્યાયાધીશ અદ્વૈત સેઠનાની બનેલી ડિવિઝન બેંચ સમક્ષ સાંભળવામાં આવે તેવી અપેક્ષા છે. જાકે, સુનાવણીની તારીખ અને અરજી પર કોર્ટનું વલણ સત્તાવાર કાર્યવાહી પછી જ સ્પષ્ટ થશે. અભિનેતાનું પ્રતિનિધિત્વ એમઝેડએમ લીગલ એલએલપીના વકીલો ઝુલ્ફીર મેમણ, પરવેઝ મેમણ અને ચિરાગ નાઈક કરશે. ઈમરાન ખાનની કાનૂની ટીમ કોર્ટમાં એફઆરઆરઓના આદેશને પડકારીને રાહત માંગશે.
સમગ્ર મામલો ૧૦ ઓક્ટોબરે મુંબઈના ઓગસ્ટ ક્રાંતિ મેદાનમાં થયેલા વિરોધ પ્રદર્શનથી ઉદ્ભવ્યો છે. મુખ્ય ચૂંટણી કમિશનર જ્ઞાનેશ કુમાર વિરુદ્ધ વિરોધ પ્રદર્શન કરવામાં આવ્યું હતું અને તેમના રાજીનામાની માંગણી કરવામાં આવી હતી. ઇમરાન ખાને પણ વિરોધ પ્રદર્શનમાં ભાગ લીધો હતો અને વિરોધ પ્રદર્શન દરમિયાન તેમની અટકાયત કરવામાં આવી હતી. વિરોધ પ્રદર્શન બાદ, ભાજપના નેતા કિરીટ સોમૈયાએ મુંબઈના ગણદેવી પોલીસ સ્ટેશનમાં ફરિયાદ નોંધાવી હતી. તેમણે આરોપ લગાવ્યો હતો કે અમેરિકન નાગરિક હોવા છતાં, ઇમરાન ખાને રાજકીય વિરોધ પ્રદર્શનમાં ભાગ લઈને વિદેશી રાષ્ટÙીયતાના નિયમોનું ઉલ્લંઘન કર્યું છે. ફરિયાદ બાદ, પોલીસે આગળની કાર્યવાહી માટે આ મામલો એફઆરઆરઓને સોંપ્યો હતો.
પોલીસ ફરિયાદ મળ્યા બાદ, ઇમિગ્રેશન અધિકારીઓએ કાર્યવાહી કરી અને ઇમરાન ખાનને દેશ છોડવા માટે નોટિસ જારી કરી. અહેવાલો દર્શાવે છે કે નોટિસમાં તેમની અમેરિકન નાગરિકતાનો ઉલ્લેખ કરવામાં આવ્યો હતો અને વિરોધ પ્રદર્શનમાં તેમની ભાગીદારીને વિદેશી રાષ્ટ્રીયતા નિયમોનું ઉલ્લંઘન માનવામાં આવ્યું હતું. આદેશ અનુસાર, અભિનેતાએ ૨૮ ઓક્ટોબર અથવા તે પહેલાં ભારત છોડવું આવશ્યક છે. ઇમરાન ખાન પાસે ઓવરસીઝ સિટીઝન ઓફ ઇન્ડિયા કાર્ડ છે. આ સ્તિથિ તેમને ભારતમાં મુસાફરી કરવા અને રહેવાની મંજૂરી આપે છે, પરંતુ તે ભારતીય નાગરિકતા આપતું નથી.
ભારતની ૨૦૦૫ ની ઓસીઆઇ યોજના ભારતીય મૂળના વિદેશી નાગરિકોને આજીવન વિઝા જેવા વિશેષાધિકારો પ્રદાન કરે છે. જોકે,ઓસીઆઇ કાર્ડધારકો ભારતીય નાગરિક નથી અને મતદાન કરવા અથવા ચૂંટણી લડવા જેવા રાજકીય અધિકારોનો આનંદ માણતા નથી. ઇમિગ્રેશન અને વિદેશી અધિનિયમ, ૨૦૨૫ હેઠળ, કેન્દ્ર સરકાર પાસે વિદેશી નાગરિકને ભારતમાં અથવા દેશના ચોક્કસ વિસ્તારમાં રહેવાથી પ્રતિબંધિત કરવાની સત્તા છે. આ કાનૂની જાગવાઈના સંદર્ભમાં ઇમરાન ખાનને નોટિસ જારી કરવામાં આવી હોવાનું જાણવા મળ્યું છે. હવે, અભિનેતાએ બોમ્બે હાઇકોર્ટમાં અરજી દાખલ કર્યા પછી, આ બાબતે કોર્ટનું વલણ મહત્વપૂર્ણ રહેશે.