મુખ્યમંત્રી યોગી આદિત્યનાથે માફિયા અતીક અહેમદના કબજોમાંથી મુક્ત કરાયેલી જમીન પર પદ્મ લોક આવાસ યોજના માટે શિલાન્યાસ સમારોહ કર્યો. સભાને સંબોધતા યોગી આદિત્યનાથે કહ્યું કે આ વિસ્તાર હવે કસારી મસારી તરીકે નહીં પરંતુ કૃષ્ણ પુરી તરીકે ઓળખાશે. તેમણે કહ્યું કે પ્રયાગરાજમાં કોઈ પણ માફિયા પ્રવૃત્તિઓમાં સામેલ થવાની હિંમત કરશે નહીં. જો તેઓ આમ કરશે, તો તેઓ રાખ થઈ જશે અને તેમની પૂર્વજોની મિલકત પણ ગુમાવશે.
તેમણે કહ્યું કે એક વર્ષમાં, લગભગ ૧૨૦૦ પરિવારો, એટલે કે ૬૫૦૦ લોકો, આ ૧૦ વીઘા કેમ્પસમાં રહેશે. તેમના માટે એક અલગ ટાઉનશીપ બનાવવામાં આવશે. એક બજોર પણ બનાવવામાં આવશે. સ્પોર્ટ્સ પાર્ક અને જીમ જેવી સુવિધાઓ પણ હશે. પ્રયાગરાજ ડેવલપમેન્ટ ઓથોરિટી તેમને જે જોઈએ તે પૂરું પાડશે. અગાઉની સરકારોએ ઉત્તર પ્રદેશમાં ઓળખનું સંકટ ઉભું કર્યું હતું. પહેલા લોકો ઉત્તર પ્રદેશનું નામ સાંભળતા જ ૧૦૦ મીટર દૂર ભાગી જતા હતા, પરંતુ હવે પરિસ્થિતિ બદલાઈ ગઈ છે. ઉત્તર પ્રદેશના લોકોનું નામ સાંભળીને લોકો નજીક આવે છે.
મહાકુંભ મેળાને કારણે રસ્તાઓ પહોળા કરવામાં આવ્યા છે. પહેલા કોઈ કાસારી મસારી અને ચકિયા વિસ્તારમાં પ્રવેશવાનો પ્રયાસ કરતું ન હતું. સામાન્ય લોકોની વાત તો ભૂલી જોઓ,પોલીસના વાહનો પણ પ્રવેશતા ન હતા. પરંતુ હવે પરિસ્થિતીતિ બદલાઈ ગઈ છે. તેમણે કહ્યું કે હવે કોઈ માફિયા પ્રવૃત્તિઓમાં જોડાશે નહીં. જો તેઓ આમ કરશે, તો તેઓ તેમના પિતા અને દાદાની મિલકત ગુમાવશે.