હૈદરાબાદમાં ભારતને હરાવીને, વેસ્ટ ઈન્ડિઝે માત્ર પાંચ મેચની ટી૨૦ શ્રેણી ૨-૨ થી બરાબર કરી નહીં, પરંતુ એક એવો રેકોર્ડ પણ બનાવ્યો જે તેઓ અગાઉ છ વખત હાંસલ કરવામાં નિષ્ફળ રહ્યા હતા. શાઈ હોપની અણનમ સદી અને કીમો પોલની પાંચ વિકેટની મદદથી, કેરેબિયન ટીમે ૧૪ ઓક્ટોબરના રોજ ચોથી ટી૨૦ આંતરરાષ્ટ્રીય મેચમાં ભારતને ૨૪ રનથી હરાવ્યું. આ જીત સાથે, વેસ્ટ ઈન્ડિઝે ટી૨૦ આંતરરાષ્ટ્રીય ક્રિકેટમાં પ્રથમ વખત ભારતીય ભૂમિ પર ભારત સામે સફળતાપૂર્વક લક્ષ્યનો બચાવ કર્યો.
ભારતમાં ટી ૨૦ આંતરરાષ્ટ્રીય મેચોમાં વેસ્ટ ઇન્ડિઝ માટે આ વિજય ખાસ હતો. અગાઉ, કેરેબિયન ટીમ ભારતીય ભૂમિ પર ટીમ ઈન્ડિયા સામે લક્ષ્યનો બચાવ કરતી વખતે છ વખત નિષ્ફળ ગઈ હતી.
આ વખતે, શાઈ હોપની શાનદાર બેટિંગને કારણે ઉચ્ચ સ્કોર થયો, જ્યારે કીમો પોલની તીક્ષ્ણ બોલિંગે ભારતને લક્ષ્ય સુધી પહોંચતા અટકાવ્યું. વેસ્ટ ઈન્ડિઝે પ્રથમ બેટિંગ કરતા ૨૦ ઓવરમાં ત્રણ વિકેટે ૨૪૭ રન બનાવ્યા. જવાબમાં, ભારતીય ટીમ ૧૯.૩ ઓવરમાં ૨૨૩ રનમાં ઓલઆઉટ થઈ ગઈ. આમ, વેસ્ટ ઈÂન્ડઝે ૨૪ રનથી મેચ જીતી લીધી અને શ્રેણીને રોમાંચક નિષ્કર્ષ પર પહોંચાડી.
મેચ હારી જવા છતાં, ભારતીય ટીમે ટી ૨૦ આંતરરાષ્ટ્રીય મેચોમાં લક્ષ્યનો પીછો કરતી વખતે તેનો બીજા સૌથી મોટો સ્કોર નોંધાવ્યો. ભારતે ૨૨૩ રન બનાવ્યા, પરંતુ તે જીત માટે પૂરતા નહોતા. આ સંદર્ભમાં ટીમ ઈન્ડિયાનો રેકોર્ડ સ્કોર ૨૪૪/૪ છે, જે તેણે ૨૦૧૬ માં લોડરહિલમાં વેસ્ટ ઇન્ડીઝ સામે બનાવ્યો હતો. તે મેચમાં ભારત માત્ર એક રનથી હારી ગયું.શાઇ હોપે વેસ્ટ ઇન્ડીઝની જીતનો પાયો નાખ્યો. તેણે ૫૦ બોલમાં અણનમ ૧૦૨ રન બનાવ્યા, જેમાં નવ છગ્ગા અને ચાર ચોગ્ગાનો સમાવેશ થાય છે.
શેરફેન રધરફોર્ડે પણ ૨૬ બોલમાં અણનમ ૪૯ રન બનાવ્યા, જેમાં ચાર ચોગ્ગા અને ત્રણ છગ્ગા ફટકાર્યા, જ્યારે શિમરોન હેટમાયરે ૩૩ રન બનાવ્યા. આ ઇનિંગ્સને કારણે, વેસ્ટ ઇન્ડીઝે ભારત માટે ૨૪૮ રનનો લક્ષ્યાંક રાખ્યો.લક્ષ્યનો પીછો કરતા, સંજુ સેમસને ભારતને ઝડપી શરૂઆત અપાવી, ૨૩ બોલમાં ૫૬ રન બનાવ્યા. તિલક વર્માએ ૪૩ રનનું યોગદાન આપ્યું, પરંતુ અન્ય બેટ્સમેનો નોંધપાત્ર ભાગીદારી બનાવવામાં નિષ્ફળ રહ્યા. વેસ્ટ ઇન્ડિઝના ઝડપી બોલર કીમો પોલે ૪૧ રન આપીને પાંચ વિકેટ લીધી અને ભારતીય ઇનિંગ્સને સમેટી લેવામાં મુખ્ય ભૂમિકા ભજવી. શ્રેણીની પાંચમી અને નિર્ણાયક ટી૨૦ આંતરરાષ્ટÙીય મેચ શનિવારે બેંગલુરુના એમ ચિન્નાસ્વામી સ્ટેડિયમ ખાતે રમાશે.