પાકિસ્તાનના પેશાવરના આફ્રિદૃી અબાદ વિસ્તારમાં એક ખાનગી શાળાની છત ધરાશાયી થતાં ઓછામાં ઓછા ૩૦ લોકો માર્યા ગયા હતા. મૃતકોમાં ૨૯ બાળકોનો સમાવેશ થાય છે. હોસ્પિટલે અહેવાલ આપ્યો છે કે આ અકસ્માતમાં ૨૯ વિદ્યાર્થીઓ અને એક મહિલા શિક્ષિકાનું મોત થયું છે. બાળકો ૭ થી ૧૩ વર્ષની વચ્ચે હતા.
ગુરુવારે ઉત્તરપશ્ર્ચિમ પાકિસ્તાનના પેશાવરમાં એક શાળાની છત ધરાશાયી થતાં ૨૯ વિદ્યાર્થીઓ અને એક શિક્ષકના મોત થયા હોવાનું હોસ્પિટલના એક અધિકારીએ જણાવ્યું હતું. પેશાવરની લેડી રીિંડગ હોસ્પિટલના આસીમ ખાને મૃત્યુઆંકની પુષ્ટિ કરી હતી. તેમણે કહૃાું હતું કે ૩૦ થી વધુ લોકો ઘાયલ થયા છે, જેમાંથી છની હાલત ગંભીર છે.
પાકિસ્તાનના વડા પ્રધાન શાહબાઝ શરીફે આ ઘટના પર દૃુ:ખ વ્યક્ત કર્યું હતું. તેમણે શોકગ્રસ્ત પરિવારો પ્રત્યે સંવેદૃના વ્યક્ત કરી હતી અને આ ભરપાઈ ન થઈ શકે તેવા નુકસાનને સહન કરવા માટે તેમની શક્તિ અને ધીરજ માટે પ્રાર્થના કરી હતી.
લેડી રીિંડગ હોસ્પિટલના પ્રવક્તા મુહમ્મદ આસીમે જણાવ્યું હતું કે મૃતકો ૧૩ વર્ષ કે તેથી ઓછી ઉંમરના હતા. પ્રવક્તાએ જણાવ્યું હતું કે હોસ્પિટલમાં કટોકટી જાહેર કરવામાં આવી છે. તેમણે ઉમેર્યું હતું કે ઘાયલોમાંથી કેટલાકની હાલત ગંભીર છે. બચાવ ૧૧૨૨ એમ્બ્યુલન્સ અને આપત્તિ રાહત વાહનો ઘટનાસ્થળે પહોંચ્યા હતા અને બચાવ અને રાહત કામગીરી શ કરી હતી. શોધ કામગીરી ચાલુ છે, કાટમાળમાં વધુ લોકો ફસાયેલા હોવાની શક્યતા છે. મૃત્યુઆંક વધવાની આશંકા છે.
પાકિસ્તાનમાં છત અને મકાન ધરાશાયી થવાના બનાવો સામાન્ય છે. આના મુખ્ય કારણો સલામતી ધોરણોનો અભાવ અને હલકી ગુણવત્તાવાળા બાંધકામ સામગ્રીનો ઉપયોગ છે. આ વર્ષે જૂનમાં, લાહોરમાં એક ટ્યુશન સેન્ટરમાં છત તૂટી પડવાથી એક ડઝનથી વધુ બાળકો માર્યા ગયા હતા. અગાઉ, દૃક્ષિણ શહેર કરાચીના લ્યારી વિસ્તારમાં પાંચ માળની ઇમારત ધરાશાયી થઈ હતી, જેમાં ૨૭ લોકો માર્યા ગયા હતા અને ૧૦ ઘાયલ થયા હતા.