મણિપુરમાં વધુ એક વિરોધ ફાટી નીકળ્યો છે, જે લાંબા સમયથી અશાંતિમાં ફસાયેલ છે. રાજ્યના મુસ્લિમ સમુદાયે વકફ બોર્ડમાં બે બિન-મુસ્લિમ સભ્યોના સમાવેશ સામે આંદોલન શરૂ કર્યું છે. ૮મી વકફ બોર્ડ સમિતિમાં બે બિન-મુસ્લિમ સભ્યોના સમાવેશ સામે ઉગ્ર વિરોધ પ્રદર્શન થઈ રહૃાા છે. મણિપુરના સોરા, લિલોંગ અને શેત્રીગાઓમાં ઘણા દિવસોથી વિરોધ પ્રદર્શનો ચાલી રહૃાા છે. પરિણામે, મુખ્યમંત્રી ખેમચંદ સિંહે મેઈતેઈ પંગલ સમુદાયના પ્રતિનિધિઓ સાથે મુલાકાત કરી છે અને તેમની િંચતાઓને દૃૂર કરવાની પ્રતિબદ્ધતા વ્યક્ત કરી છે.
“બિન-મુસ્લિમ સભ્યોના સમાવેશ સામે સંયુક્ત સમિતિ” ના બેનર હેઠળ વિરોધ પ્રદર્શનો યોજાઈ રહૃાા છે. અન્ય ઘણા મુસ્લિમ સંગઠનો, સ્થાનિક ક્લબો અને નાગરિક સમાજ જૂથો પણ તેમાં જોડાયા છે. ૨૦ ઓગસ્ટના રોજ કાકિંચગ જિલ્લાના સોરામાં રેલી શરૂ થઈ હતી, જ્યારે મોટી સંખ્યામાં મુસ્લિમોએ વિરોધમાં ભાગ લીધો હતો. આ વિરોધ પ્રદર્શન સોરા મામંગ રમતના મેદૃાનમાં થયું હતું. ત્યારબાદ અનેક સ્થળોએ વિરોધ પ્રદર્શનો થયા છે. ૨૦ તારીખે એક સ્થળે વિરોધ પ્રદર્શન બાદ એક રેલી પણ યોજાઈ હતી. આ રેલી સોરા પોલીસ સ્ટેશન, સોરા બજાર અને રાષ્ટ્રીય ધોરીમાર્ગ ૧૦૨ થઈને સોરા હાઈસ્કૂલના રમતના મેદાન પર પહોંચી.
રેલીને સંબોધતા, જમિયત-ઉલ-ઉલેમાની સોરા શાખાના પ્રમુખ ઝુલ્ફીકાર આલમ શેખે જણાવ્યું હતું કે વકફ બોર્ડ મુસ્લિમો માટે એક મહત્વપૂર્ણ સંસ્થા છે. બોર્ડમાં બિન-મુસ્લિમનો સમાવેશ કરવો અયોગ્ય છે અને સરકારે તાત્કાલિક આ નિર્ણય પાછો ખેંચવો જોઈએ. તેમણે જણાવ્યું હતું કે જો રાજ્ય સરકાર આ માંગણી સ્વીકારશે નહીં, તો આંદોલન વધુ તીવ્ર બનશે. તેમણે એવી પણ માંગ કરી હતી કે વસ્તી ગણતરી પહેલા રાષ્ટ્રીય નાગરિક રજિસ્ટર અપડેટ કરવામાં આવે. સંયુક્ત સમિતિના નેતા અતૌર રહેમાને બે બિન-મુસ્લિમ સભ્યોને દૃૂર કરીને એક મુસ્લિમનો સમાવેશ કરવાની માંગ કરી હતી.
રહેમાને જણાવ્યું હતું કે વકફ બોર્ડ મુસ્લિમોની પેઢીઓ દ્વારા દૃાનમાં આપવામાં આવેલી મિલકતોનું સંચાલન કરે છે. આ મિલકતોનો ઉપયોગ મુસ્લિમોની ધાર્મિક અને શૈક્ષણિક જરિયાતો માટે થાય છે. આમાં મસ્જિદો, ઈદગાહ, કબ્રસ્તાન અને કોલેજોનો સમાવેશ થાય છે. આવી સ્થિતિમાં, વકફ બોર્ડ સિસ્ટમ સંપૂર્ણપણે મુસ્લિમો દ્વારા ચલાવવામાં આવવી જોઈએ. એ નોંધવું જોઈએ કે મણિપુરની કુલ વસ્તીના ૧૦ ટકા મુસ્લિમો છે.