પૂર્વ રેલ્વે મંત્રી મુકુલ રોયનું નિધન થયું છે. ગઈકાલે રાત્રે ૨:૩૫ વાગ્યે તેમનું અવસાન થયું. મુકુલ રોય ૭૨ વર્ષના હતા અને લાંબા સમયથી કોલકાતાની એપોલો હોસ્પિટલમાં દાખલ હતા. તેઓ છેલ્લા કેટલાક મહિનાઓથી કોમામાં હતા. ડોક્ટરોએ જણાવ્યું હતું કે ટીએમસીના દિગ્ગજ નેતાનું દયરોગના હુમલાથી અવસાન થયું છે.
છેલ્લા કેટલાક વર્ષોમાં બગડતી તબિયતને કારણે, મુકુલ રોય સક્રિય રાજકારણથી દૃૂર થઈ ગયા હતા. ૨૦૨૩ ની શરૂઆતમાં ડોક્ટરોએ પુષ્ટિ આપી હતી કે તેઓ ડિમેન્શિયા અને પાર્કિન્સન રોગથી પીડાઈ રહૃાા છે, જેના કારણે તેમની યાદશક્તિ અને શારીરિક ક્ષમતાઓ પર નોંધપાત્ર અસર પડી હતી.
લાંબા સમય સુધી, તેમને મમતા બેનર્જી પછી ટીએમસીમાં નંબર ટુ નેતા માનવામાં આવતા હતા. તેઓ પાર્ટીના કટોકટી વ્યવસ્થાપક અને રણનીતિકાર તરીકે જાણીતા હતા. તેમણે ચૂંટણી વ્યૂહરચના ઘડવામાં, કટોકટીઓને સંભાળવામાં અને પાર્ટીને મજબૂત બનાવવામાં મુખ્ય ભૂમિકા ભજવી હતી.
૨૦૧૦ ના દાયકામાં, ખાસ કરીને શારદા ચિટ ફંડ કૌભાંડ જેવા મુદ્દાઓ પછી, ટીએમસી સાથેના તેમના સંબંધો બગડ્યા. ફેબ્રુઆરી ૨૦૧૫ માં, પાર્ટીએ તેમને રાષ્ટ્રીય મહાસચિવ પદ પરથી દૃૂર કર્યા. તેમણે સપ્ટેમ્બર ૨૦૧૭માં ટીએમસીમાંથી રાજીનામું આપ્યું અને નવેમ્બર ૨૦૧૭માં ભારતીય જનતા પાર્ટી (ભાજપ)માં જોડાયા. જોકે, તેઓ જૂન ૨૦૨૧માં ટીએમસીમાં પાછા ફર્યા.
પશ્ર્ચિમ બંગાળના રાજકારણમાં “બંગાળના ચાણક્ય” તરીકે ઓળખાતા મુકુલ રોયના નિધન પર રાજકીય વર્તુળોમાં શોક છે. તેમના નિધનને ટીએમસી અને બંગાળના રાજકારણમાં એક યુગના અંત તરીકે જોવામાં આવી રહૃાું છે.