ભારતીય ક્રિકેટ ટીમના મુખ્ય પસંદગીકાર અજિત અગરકરનું ભવિષ્ય ટૂંક સમયમાં સ્પષ્ટ થઈ શકે છે. એક અહેવાલ મુજબ, આગામી ૪૮ કલાકમાં અગરકર અને ભારતીય ક્રિકેટ કંટ્રોલ બોર્ડ (બીસીસીઆઇ) ના અધિકારીઓ વચ્ચે તેમના કાર્યકાળના વિસ્તરણ અંગે મહત્વપૂર્ણ ચર્ચા થવાની છે. આ બેઠકમાં નક્કી થઈ શકે છે કે અગરકર પસંદગી સમિતિના વડા તરીકે સેવા આપવાનું ચાલુ રાખશે કે બોર્ડ કોઈ નવો વિકલ્પ શોધશે.
‘સ્પોર્ટસ્ટાર’ના અહેવાલ મુજબ, અગરકર અને બીસીસીઆઇ અધિકારીઓ આગામી બે દિવસમાં વાતચીત કરશે. આ સમય દરમિયાન, તેમના કાર્યકાળના વિસ્તરણ અંગે વધુ વ્યૂહરચનાઓની ચર્ચા થઈ શકે છે. અહેવાલમાં મ્ઝ્રઝ્રૈંના એક અધિકારીને ટાંકીને કહેવામાં આવ્યું છે કે બંને પક્ષો હાલમાં વિસ્તરણ અંગે સકારાત્મક છે અને કેટલાક પ્રારંભિક મુદ્દાઓ ટૂંક સમયમાં ઉકેલાય તેવી અપેક્ષા છે. જાકે, આ જ અહેવાલમાં એવો પણ દાવો કરવામાં આવ્યો છે કે બીસીસીઆઇ અધિકારીઓ અને પસંદગી સમિતિ વચ્ચે છેલ્લા બે મહિનાથી તણાવ ચાલી રહ્યો છે. ૩ સપ્ટેમ્બરના રોજ બીસીસીઆઇની પ્રદર્શન સમીક્ષા બેઠકમાં અગરકરની ગેરહાજરી પણ ચર્ચાનો વિષય હતો.
અગરકરને ૪ જુલાઈ, ૨૦૨૩ ના રોજ બીસીસીઆઇ ના મુખ્ય પસંદગીકાર તરીકે નિયુક્ત કરવામાં આવ્યા હતા. તેમનો પ્રારંભિક કાર્યકાળ જૂન ૨૦૨૬ માં સમાપ્ત થવાનો હતો, પરંતુ બોર્ડે તેમને થોડા મહિનાનું વિસ્તરણ મંજૂર કર્યું. હવે, તેમનો વર્તમાન કાર્યકાળ ૪ ઓક્ટોબરના રોજ સમાપ્ત થાય છે. અગરકર એક વર્ષના વિસ્તરણ માટે પાત્ર છે. જાકે,બીસીસીઆઇએ હજુ સુધી તેમના ભવિષ્યની સત્તાવાર જાહેરાત કરી નથી.
અગરકરના કાર્યકાળ દરમિયાન, ભારતીય ટીમે ૨૦૨૪ અને ૨૦૨૬ ટી ૨૦ વર્લ્ડ કપ તેમજ ૨૦૨૫ ચેમ્પિયન્સ ટ્રોફી જીતી હતી. દરમિયાન, વિરાટ કોહલી અને રોહિત શર્મા જેવા દિગ્ગજાએ આંતરરાષ્ટ્રીય ક્રિકેટના વિવિધ ફોર્મેટમાંથી નિવૃત્તિ લીધી હતી. આ દરમિયાન, રવિચંદ્રન અશ્વિને પણ આંતરરાષ્ટ્રીય ક્રિકેટમાંથી નિવૃત્તિની જાહેરાત કરી. વધુમાં, ૨૦૨૬ ટી ૨૦ વર્લ્ડ કપ જીત અપાવનાર કેપ્ટન સૂર્યકુમાર યાદવને ટુર્નામેન્ટ પછી ટીમમાંથી બહાર કરવામાં આવ્યો હતો. રોહિતને વનડે કેપ્ટનશીપથી દૂર કરવામાં આવ્યો હતો.
અગરકરની આગેવાની હેઠળની પસંદગી સમિતિની આગામી મહત્વપૂર્ણ બેઠક ૧૬ સપ્ટેમ્બરે યોજાવાની છે. આ બેઠકમાં વેસ્ટ ઈન્ડિઝ સામેની આગામી ત્રણ મેચની વનડે શ્રેણી માટે ભારતીય ટીમની પસંદગી કરવામાં આવશે, જે અફઘાનિસ્તાન સામેની બીજી ટી ૨૦ મેચના એક દિવસ પછી છે. ઈરાની કપ માટે ટીમની પણ પસંદગી કરવામાં આવશે. અહેવાલો અનુસાર, વેસ્ટ ઈન્ડિઝ શ્રેણી માટે આ પસંદગી બેઠક અગરકરના વર્તમાન કાર્યકાળની છેલ્લી મોટી બેઠક હોઈ શકે છે. ભારત અને વેસ્ટ ઈન્ડિઝ વચ્ચેની ત્રણ વનડે મેચ ૨૭ સપ્ટેમ્બર, ૩૦ સપ્ટેમ્બર અને ૩ ઓક્ટોબરે રમાશે. પહેલી મેચ તિરુવનંતપુરમ, બીજી ગુવાહાટી અને ત્રીજી મુલ્લાનપુરમાં રમાશે. શુભમન ગિલ ભારતીય ટીમનું નેતૃત્વ કરશે.
એવી પણ શક્યતા છે કે અનુભવી બેટ્સમેન કેએલ રાહુલને આ શ્રેણી માટે ભારતીય ટીમના ઉપ-કેપ્ટન તરીકે નિયુક્ત કરવામાં આવે. જાકે, ટીમ પસંદગી અને નેતૃત્વ અંગેનો અંતિમ નિર્ણય પસંદગી સમિતિની બેઠકમાં લેવામાં આવશે. હવે બધાની નજર આગામી બે દિવસમાં બીસીસીઆઈ અને અગરકર વચ્ચે થનારી વાતચીત પર છે. જા એક્સટેન્શન પર સંમતિ સધાય છે, તો અગરકર પસંદગી સમિતિના વડા તરીકે સેવા આપતા રહેશે. જા કે, જા મામલો ઉકેલાય નહીં, તો બીસીસીઆઈને નવા મુખ્ય પસંદગીકારની શોધ કરવી પડી શકે છે.