ભૂતપૂર્વ પાકિસ્તાની રાજદ્વારી અબ્દુલ બાસિતે શાહબાઝ સરકારને કાશ્મીર અને સિંધુ જળ સંધિ પર પોતાનું વલણ બદલવા કહ્યું છે. તેમણે કહ્યું કે પાકિસ્તાન સિંધુ જળ સંધિ અંગે ભારતને ધમકી આપે છે, પરંતુ તે ધમકીઓનો ભારત પર કોઈ પ્રભાવ પડશે નહીં. યુએનમાં સામાન્ય ચર્ચાને સંબોધતા, શાહબાઝ શરીફે જણાવ્યું હતું કે સિંધુ નદી પ્રણાલીના વહેંચાયેલા પાણી “માત્ર પાકિસ્તાનના લોકો માટે જ નહીં પરંતુ સમગ્ર પ્રદેશ માટે જીવનરેખા” છે, અને હાલની સંધિને સ્થગિત કરવાના ભારતના એકપક્ષીય નિર્ણયનો “કોઈ કાનૂની આધાર નથી”.
પાકિસ્તાને વારંવાર સિંધુ જળ સંધિને સ્થગિત કરવાના ભારતના નિર્ણયને “યુદ્ધનું કૃત્ય” ગણાવ્યું છે. આ અંગે પ્રતિક્રિયા આપતા, અબ્દુલ બાસિતે કહ્યું, “શહબાઝ શરીફ ચોક્કસપણે સિંધુ જળ સંધિ પર બોલી રહ્યા છે, પરંતુ ભારત જે કરવાનું છે તે કરશે.” નવી દિલ્હીમાં પાકિસ્તાનના ભૂતપૂર્વ હાઇ કમિશનર અબ્દુલ બાસિતે જણાવ્યું હતું કે સિંધુ નદી પ્રણાલી “જીવનરેખા” છે.
અબ્દુલ બાસિતે કહ્યું કે તેમના છેલ્લા યુએન ભાષણમાં, શાહબાઝ શરીફે કહ્યું હતું કે પાણી રોકવાનું કોઈપણ પગલું યુદ્ધનું કૃત્ય હશે, પરંતુ આ વખતે તેમણે તેના પર વધુ ધ્યાન કેન્દ્રિત કર્યું છે. શાહબાઝ શરીફે ગયા વર્ષે કહ્યું હતું કે સંધિનું કોઈપણ ઉલ્લંઘન યુદ્ધ ગણાશે, પરંતુ આ વખતે તેમણે કહ્યું કે પાણી રોકવું કે વાળવું એ યુદ્ધ ગણાશે.
અબ્દુલ બાસિતે કહ્યું, “પાણીના ડાયવર્ઝનની વાત કરીએ તો, તાજેતરમાં જ ખબર પડી છે કે ૧૧-૧૨ કિલોમીટરની લિંક બનાવવામાં આવી રહી છે, જે ચિનાબ નદીને બિયાસ નદી સાથે જાડે છે. તેથી, હું હજુ પણ માનું છું કે ભારત પાસે સિંધુ જળ સંધિ અંગે લાંબા ગાળાની યોજના છે. તેથી, ભલે તમે સિંધુ જળ સંધિ પર તમારી સ્થિતિ સ્પષ્ટ કરી દીધી હોય, પણ તમારી પાસે તેના પર અલગ વ્યૂહરચના હોવી જાઈએ. મને નથી લાગતું કે આ ધમકીઓનો ભારત પર કોઈ પ્રભાવ પડશે. ભારત તે પ્રોજેક્ટ્સ પર ઝડપથી કામ કરી રહ્યું છે જે તેણે પહેલાથી જ શરૂ કર્યા છે.”
શાહબાઝ શરીફે આ વખતે યુએનમાં કાશ્મીર મુદ્દો પણ ઉઠાવ્યો. આ અંગે બોલતા અબ્દુલ બાસિતે કહ્યું કે શાહબાઝનું નિવેદન કે તેમને કાશ્મીરીઓ માટે રાજકીય અને નૈતિક સમર્થન છે તે દાયકાઓથી તેમનું વલણ રહ્યું છે. પાકિસ્તાને તેમાં કોઈ ફેરફાર કર્યો નથી, કે તેણે કોઈ નવી વાર્તા શરૂ કરી નથી. જાકે, ભારતે એક નવો મુદ્દો ઉભો કર્યો અને કાશ્મીરમાંથી કલમ ૩૭૦ પણ નાબૂદ કરી દીધી. તેથી, પાકિસ્તાને પણ કાશ્મીર અંગે એક નવો મુદ્દો ઉભો કરવાની જરૂર છે. આનો વિશ્વ પર કોઈ પ્રભાવ પડી રહ્યો નથી.