કોંગ્રેસ સાંસદ ઇમરાન મસૂદના એક નિવેદનથી રાજકીય ઉથલપાથલ મચી ગઈ છે. પ્રિયંકા ગાંધીને પીએમ બનાવવા અંગેના તેમના નિવેદન પર વિવાદ વયા બાદ ઇમરાન મસૂદે સ્પષ્ટતા આપી. પોતાનો મુદ્દો સ્પષ્ટ કરતા તેમણે કહ્યું કે ભાજપ પાસે કોઈ નક્કર મુદ્દાનો અભાવ છે અને તેથી તે બિનજરૂરી રીતે નિવેદનને વિકૃત કરી રહી છે. તેમણે સ્પષ્ટપણે જણાવ્યું કે કોંગ્રેસમાં તેમનું નેતૃત્વ સ્પષ્ટ છે અને મૂંઝવણ ઊભી કરવાનો કોઈપણ પ્રયાસ ખોટો છે.
ઇમરાન મસૂદે કહ્યું કે રાહુલ ગાંધી તેમના સૌથી આદરણીય નેતા છે અને પ્રિયંકા ગાંધી પણ તે નેતૃત્વનો ભાગ છે. તેમણે સમજાવ્યું કે તેમને પ્રિયંકા ગાંધી વિશે એક પ્રશ્ર્ન પૂછવામાં આવ્યો હતો, જેનો તેમણે જવાબ આપ્યો હતો કે તે આગામી ઇન્દિરા ગાંધી હોઈ શકે છે. મસૂદે કહ્યું કે રાહુલ ગાંધી અને પ્રિયંકા ગાંધી ઇન્દિરા ગાંધીની આંખો છે અને બંને પાર્ટીની વિચારધારાને આગળ ધપાવી રહ્યા છે. તેમણે એમ પણ કહ્યું કે જો પ્રિયંકા ગાંધી પ્રધાનમંત્રી હોત, તો બાંગ્લાદેશમાં હિન્દુઓની સ્થિતિ આજે જેવી ન હોત.
ઇમરાન મસૂદે તેમના નિવેદનમાં પૂછ્યું કે શું પ્રિયંકા ગાંધી હવે પ્રધાનમંત્રી છે. તેમણે પડકાર ફેંક્યો, તેમને પ્રધાનમંત્રી બનાવો, અને દુનિયા જોશે કે તે ઇન્દિરા ગાંધીની જેમ કેવી પ્રતિક્રિયા આપે છે. મસૂદે કહ્યું કે પ્રિયંકા ગાંધીનું નામ ગાંધી સાથે જોડાયેલું છે, અને તે ઇન્દિરા ગાંધીની પૌત્રી છે, જેમણે પાકિસ્તાનને એટલું નુક્સાન પહોંચાડ્યું કે જેના ઘા હજુ રૂઝાયા નથી. તેમણે કહ્યું કે પ્રિયંકા ગાંધીમાં પણ એ જ હિંમત અને નિર્ણાયક્તા છે.
કોંગ્રેસ સાંસદે ભાજપ પર સીધો હુમલો કરતા કહ્યું કે તેમના નિવેદનને ખોટી રીતે રજૂ કરવામાં આવી રહ્યું છે. તેમણે પુનરોચ્ચાર કર્યો કે રાહુલ ગાંધી કોંગ્રેસના સૌથી વરિષ્ઠ અને આદરણીય નેતા છે. મસૂદે કહ્યું કે ભાજપ જાણી જોઈને આવા નિવેદનો આપીને રાજકીય ઘોંઘાટ પેદા કરવાનો પ્રયાસ કરે છે, જ્યારે વાસ્તવિક મુદ્દાઓ પરથી યાન હટાવે છે. તેમણે કહ્યું કે કોંગ્રેસનું નેતૃત્વ સ્પષ્ટ છે અને પાર્ટી એક થઈને આગળ વધી રહી છે.