પાકિસ્તાન ક્રિકેટમાં ચાલી રહેલા ઉથલપાથલ વચ્ચે, પાકિસ્તાન ક્રિકેટ બોર્ડ (પીસીબી) હવે કેટલાક મોટા અને કઠિન નિર્ણયો લેવાની તૈયારી કરી રહ્યું છે. ટીમના પ્રદર્શન અને ક્રિકેટ સંબંધિત નિર્ણયોને લગતા સતત પ્રશ્નો વચ્ચે,પીસીબીના અધ્યક્ષ મોહસીન નકવી પસંદગી સમિતિથી લઈને કોચિંગ સેટઅપ સુધીની દરેક બાબતમાં ફેરફાર કરી શકે છે. એવું માનવામાં આવે છે કે ભૂતપૂર્વ ટેસ્ટ ક્રિકેટર આકિબ જાવેદને સિનિયર સિલેક્ટર પદ પરથી દૂર કરવામાં આવી શકે છે, જ્યારે વહાબ રિયાઝને પણ મહિલા ટીમના મેન્ટર પદ પરથી દૂર કરવામાં આવે તેવી શક્યતા છે.
પીસીબીની નજીકના સૂત્રના જણાવ્યા અનુસાર, મોહસીન નકવીને હવે સમજાયું છે કે પાકિસ્તાન ક્રિકેટમાં હાલની મંદી ઉલટાવી શકાય તે માટે મોટા નિર્ણયો લેવા જરૂરી છે. તેથી, પસંદગી અને ટીમ મેનેજમેન્ટ સંબંધિત ફેરફારો પર ગંભીરતાથી વિચારણા કરવામાં આવી રહી છે. અંતિમ નિર્ણય લેતા પહેલા, નકવી તેમના નજીકના અધિકારીઓ સાથે મુલાકાત કરશે, અને પીસીબી ગવ‹નગ બોર્ડના સભ્યોને પણ વિશ્વાસમાં લેવામાં આવશે.
આકિબ જાવેદે છેલ્લા બે વર્ષમાં પાકિસ્તાન ક્રિકેટ સંબંધિત ઘણા મહત્વપૂર્ણ નિર્ણયોમાં મુખ્ય ભૂમિકા ભજવી છે. ઇંગ્લેન્ડ પ્રવાસ દરમિયાન બીજી ટેસ્ટ પછી પાકિસ્તાન ટીમ અને કોચિંગ સ્ટાફમાં અચાનક મોટા ફેરફારોમાં પણ તેઓ મુખ્ય ભૂમિકા ભજવી હતી. જા કે, આ સમયગાળા દરમિયાન ટીમના કેપ્ટન અને કોચિંગ સ્ટાફમાં વારંવાર થયેલા ફેરફારો માટે તેમને ટીકાનો સામનો કરવો પડ્યો છે.
દરમિયાન, ભૂતપૂર્વ ટેસ્ટ ક્રિકેટર વહાબ રિયાઝ ગયા વર્ષથી પાકિસ્તાન મહિલા ટીમ માટે મેન્ટર તરીકે સેવા આપી રહ્યા છે. સૂત્રોના જણાવ્યા અનુસાર, એશિયન ગેમ્સ પછી મહિલા ટીમના વર્તમાન કોચિંગ સ્ટાફમાં ફેરફાર થવાની ધારણા છે, જેમાં વહાબ રિયાઝનો પણ સમાવેશ થાય છે.પીસીબી મહિલા ટીમ માટે નવા વિદેશી મુખ્ય કોચ શોધવા માટે ઘણા ઉમેદવારો સાથે પણ વાતચીત કરી રહ્યું છે.
પસંદગી અને કોચિંગ માળખામાં ફેરફારનું એક કારણ સફેદ બોલના મુખ્ય કોચ માઈક હેસનની ટેસ્ટ ટીમનો હવાલો સંભાળવાની ઇચ્છા હોવાનું કહેવાય છે. હેસન ટેસ્ટ ટીમનો હવાલો સંભાળવા તૈયાર છે, પરંતુ તેમણે બોર્ડને સ્પષ્ટ કરી દીધું છે કે તેમને રેડ-બોલ ક્રિકેટ સુધારવા માટે પૂરતો સમય અને સંપૂર્ણ સ્વતંત્રતાની જરૂર છે. જા તેમને નિશ્ચિત સમયમર્યાદા અને નિર્ણયોમાં કોઈ દખલગીરીની ખાતરી આપવામાં આવે તો જ તેઓ આ જવાબદારી સ્વીકારશે.
પાકિસ્તાનના તાજેતરના પ્રદર્શનથી પીસીબી પર પણ દબાણ વધ્યું છે. વેસ્ટ ઈન્ડિઝ સામેની ટેસ્ટ શ્રેણીમાં ૧-૧થી ડ્રો થયા બાદ, પાકિસ્તાનને ઈંગ્લેન્ડમાં ત્રણ મેચની ટેસ્ટ શ્રેણીમાં ૦-૩થી કારમી હારનો સામનો કરવો પડ્યો. ત્રણેય મેચોમાં હારનો માર્જિન નોંધપાત્ર હતો, જેનાથી ટીમની વ્યૂહરચના અને બોર્ડની નીતિઓ પર પ્રશ્નો ઉભા થયા.