લગ્નની કંકોત્રી હવે સાયબર ઠગો માટે લોકો સાથે છેતરપિંડી કરવાનું નવું માધ્યમ બની રહી છે. અમદાવાદના કાંકરિયામાં રહેતા એક યુવકને વોટ્સએપ પર મિત્રના નામે લગ્નની કંકોત્રીની લિંક મોકલવામાં આવી હતી. મિત્રના નામે આવેલી હોવાથી યુવકે લિંક પર વિશ્વાસ કરીને ક્લિક કર્યું હતું. જાકે, લિંક ખોલતાની સાથે જ તેના મોબાઈલમાં એપીકે ફાઈલ ઈન્સ્ટોલ થઈ ગઈ અને ત્યારબાદ બેંક ખાતામાંથી ૯૯ હજારનું ટ્રાન્ઝેક્શન થઈ ગયું. આ મામલે યુવકે કાગડાપીઠ પોલીસ સ્ટેશનમાં અજાણ્યા શખસો વિરુદ્ધ ફરિયાદ નોંધાવી છે. પોલીસે લિંક, એપીકે ફાઈલ અને બેંક ટ્રાન્ઝેક્શન સહિતની વિગતોના આધારે તપાસ શરૂ કરી છે.
કાંકરિયામાં ચોર્યાશીની ચાલી વિસ્તારમાં રહેતા હસમુખ મકવાણા ટ્રાવેલ્સની ઓફિસમાં નોકરી કરે છે. ૨ સપ્ટેમ્બરની રાત્રે તેઓ ઘરે મોબાઈલનો ઉપયોગ કરી રહ્યા હતા ત્યારે તેમના વોટ્સએપ પર મિત્ર જગદીશના નામે લગ્નની કંકોત્રી આવી હતી. કંકોત્રી મિત્રના નામે હોવાથી હસમુખને મેસેજ શંકાસ્પદ લાગ્યો નહોતો. તેમણે કંકોત્રીમાં આપવામાં આવેલી લિંક પર Âક્લક કર્યું હતું. લિંક ખોલ્યા બાદ મોબાઈલમાં એક પેજ ખુલ્યું અને ત્યારબાદ એપીકે ફાઈલ ઈન્સ્ટોલ થઈ ગઈ હતી. ફાઈલ ઈન્સ્ટોલ થયા બાદ મોબાઈલમાં કંઈક શંકાસ્પદ થઈ રહ્યું હોવાની હસમુખને જાણ થઈ હતી. ત્યારબાદ તેમણે પોતાના બેંક ખાતાની વિગતો તપાસી હતી.
બેંક ખાતું તપાસતા હસમુખના ખાતામાંથી ૯૯ હજારનું ટ્રાન્ઝેક્શન થઈ ગયું હોવાનું સામે આવ્યું હતું. પ્રાથમિક રીતે એવું સામે આવ્યું છે કે સાયબર ઠગાએ લગ્નની કંકોત્રીના બહાને લિંક મોકલી હતી અને તેના પર ક્લિક કરાવ્યા બાદ મોબાઈલમાં એપીકે ફાઈલ ઈન્સ્ટોલ કરાવી હતી. આ પછી બેંક ખાતામાંથી રૂપિયા ઉપાડી લેવામાં આવ્યા હોવાની ફરિયાદ કરવામાં આવી છે. ઘટના બાદ હસમુખ મકવાણાએ કાગડાપીઠ પોલીસનો સંપર્ક કરીને અજાણ્યા શખસો વિરુદ્ધ ફરિયાદ નોંધાવી હતી.
ફરિયાદના આધારે પોલીસે તપાસ શરૂ કરી છે. પોલીસ દ્વારા હસમુખના મોબાઈલમાં આવેલી કંકોત્રીની લિંક, ઈન્સ્ટોલ થયેલી એપીકે ફાઈલ અને બેંક ખાતામાં થયેલા ટ્રાન્ઝેક્શનની વિગતો મેળવવામાં આવી રહી છે. સાયબર ઠગો દ્વારા લોકોના વિશ્વાસનો લાભ લઈને મિત્ર કે ઓળખીતા વ્યક્તિના નામે કંકોત્રીની લિંક મોકલવામાં આવી હોવાની આશંકા છે. આવી કોઈ અજાણી લિંક મળ્યા બાદ તેના પર ક્લિક કરતા પહેલા તેની ખરાઈ કરવી જરૂરી છે.
આ ઘટનાએ ફરી એકવાર વોટ્સએપ પર આવતી અજાણી લિંક અને એપીકે ફાઈલથી સાવચેત રહેવાની જરૂરિયાત દર્શાવી છે. ખાસ કરીને કોઈ ઓળખીતા વ્યક્તિના નામે પણ લિંક આવે તો તેને સીધી ખોલવાને બદલે સંબંધિત વ્યક્તિનો સંપર્ક કરીને તેની ખરાઈ કરવી જરૂરી છે. અજાણી અથવા શંકાસ્પદ એપીકે ફાઈલ મોબાઈલમાં ઈન્સ્ટોલ કરવાથી વ્યક્તિના મોબાઈલ અને તેમાં રહેલી માહિતીની સુરક્ષા જાખમમાં આવી શકે છે. તેથી કોઈપણ શંકાસ્પદ લિંક અથવા ફાઈલ અંગે સાવચેતી રાખવી જરૂરી છે