રાહુલ ગાંધીએ કહૃાું, “જ્યારે મત ચોરી થાય છે, ત્યારે કંઈપણ સુરક્ષિત નથી – તમારી દૃુકાન, તમારી બચત કે તમારા બાળકોનું ભવિષ્ય નહીં.”
લોકસભાના નેતા રાહુલ ગાંધીએ ઇન્સ્ટાગ્રામ પર પોસ્ટ કરીને કહ્યું, “દિલ્હીના દરેક વેપારીનેઃ અમે તમને પ્રેમ કરીએ છીએ, અમે તમારી વાત સાંભળી રહ્યા છીએ.” તેમણે કહ્યું, “સરકારે મેટ્રો બંધ કરી દીધી, રસ્તાઓ સીલ કરી દીધા અને રાજધાનીને તાળાબંધી કરી દીધી.”
રાહુલ ગાંધીએ કહ્યું, “જ્યારે મત ચોરી થાય છે, ત્યારે કંઈપણ સુરક્ષિત નથી – તમારી દુકાન, તમારી બચત કે તમારા બાળકોનું ભવિષ્ય નહીં.” તેમણે આગળ લખ્યું, “મોદીજીને કહો – આરોપી નંબર ૪, જ્ઞાનેશ કુમારને હટાવો, અને વિરોધ ૩૦ સેકન્ડમાં બંધ થઈ જશે.”
દિલ્હીના વેપારીઓએ ૧ નવેમ્બરે રામલીલા મેદાનમાં યોજાનારી કોંગ્રેસની રેલી મુલતવી રાખવાની માંગણીનો પુનરોચ્ચાર કર્યો છે. તેમણે કોંગ્રેસના રાષ્ટ્રીય અધ્યક્ષ મલ્લીકાર્જુન ખડગેના નિર્ણય પર પુનર્વિચાર કરવાના નિવેદનનું સ્વાગત કર્યું. વધુમાં, વેપારીઓએ જણાવ્યું હતું કે તેઓએ વ્યવસાયના હિતમાં દિવાળી પછી રેલી યોજવાની વિનંતી કરી હતી.
દિવાળીના તહેવાર પહેલા કોંગ્રેસની રેલીને કારણે વેપારીઓને ભારે નુકસાન થવાની આશંકા છે. મલ્લીકાર્જુન ખડગેએ જણાવ્યું હતું કે તેઓ કોંગ્રેસ પાર્ટી અને અન્ય વિપક્ષી ગઠબંધન ભાગીદારો સાથે ચર્ચા કર્યા પછી જ અંતિમ નિર્ણય લેશે. જોકે, રાહુલ ગાંધીના તાજેતરના નિવેદનથી સંકેત મળે છે કે વિપક્ષી પક્ષોની ઇન્ડિયા બ્લોક રેલી રદ કરવામાં આવશે નહીં.
આ સંદર્ભમાં, વેપારીઓ અને ઉદ્યોગસાહસિકોની સર્વોચ્ચ સંસ્થા, ચેમ્બર ઓફ ટ્રેડ એન્ડ ઇન્ડસ્ટ્રીએ કહ્યું, “મલ્લીકાર્જુન ખડગેના આ નિવેદનથી દિલ્હીના વેપારીઓમાં આશાનું કિરણ આવ્યું છે. અમે તેમના સંવેદનશીલ અભિગમનું હૃદયપૂર્વક સ્વાગત કરીએ છીએ.”
સીટીઆઈના ચેરમેન બ્રિજેશ ગોયલે જણાવ્યું હતું કે, “વેપારી સંગઠને મલ્લીકાર્જુન ખડગેને પત્ર લખીને વિનંતી કરી છે કે, તમારી આગામી બેઠકમાં, દિવાળીની ટોચની સીઝન અને દિલ્હીના લાખો વેપારીઓની આજીવિકાને ધ્યાનમાં રાખીને, દિવાળી પછી રેલી યોજવાનો અંતિમ નિર્ણય લો.”
વેપારીઓનું કહેવું છે કે આ વર્ષે ધનતેરસ ૬ નવેમ્બર (શુક્રવાર) ના રોજ આવે છે. ફક્ત ધનતેરસ પર દિલ્હીના તમામ ક્ષેત્રોમાં લગભગ ૨૫,૦૦૦ કરોડ રૂપિયાનો વ્યવસાય થાય છે. આ પછી, પીક સીઝન ૮ નવેમ્બરના રોજ દિવાળી અને ૧૦-૧૧ નવેમ્બરના રોજ ભૈયાબીજ સુધી ચાલુ રહે છે.
તેમણે જણાવ્યું હતું કે રામલીલા મેદાનથી ૫ કિલોમીટરના ત્રિજ્યામાં, દિલ્હીમાં ૨૦ મુખ્ય જથ્થાબંધ અને છૂટક બજારો છે, જેમાં ચાંદની ચોક, સદર બજાર, કાશ્મીરી ગેટ, ચાવરી બજાર, દરિયાગંજ, કમલા માર્કેટ, ભગીરથ પેલેસ, ખારી બાઓલી, નયા બજાર, આઝાદ માર્કેટ, દરીબા જ્વેલરી માર્કેટ, કિનારી બજાર, નબી કરીમ, કરોલ બાગ, ઝાંડેવાલન અને જામા મસ્જીદનો સમાવેશ થાય છે. આ બજારોમાં આશરે ૩૦૦,૦૦૦ વેપારીઓ કામ કરે છે. જા તેમના પરિવારના સભ્યો અને દુકાનના કર્મચારીઓને સામેલ કરવામાં આવે, તો આશરે ૧.૫ મિલિયન લોકોની આજીવિકા આ ૨૦ બજારો પર નિર્ભર છે.
સીટીઆઇએ તેની માંગણી વ્યક્ત કરી હતી કે ૧૦ લાખ લોકોની મેગા રેલી માત્ર રામલીલા મેદાન જ નહીં પરંતુ દિલ્હીના અન્ય બજારોને પણ અસર કરશે. આનાથી દિલ્હીભરના બજારોમાં ગભરાટ ફેલાઈ શકે છે, જેમ ૧૦ ઓક્ટોબરે જંતર મંતર પર વિરોધ પ્રદર્શન દરમિયાન થયું હતું.
સંગઠને કહ્યું કે ૧૦ ઓક્ટોબરના રોજ જંતર-મંતર ખાતે થયેલા વિરોધ પ્રદર્શનથી સમગ્ર દિલ્હીમાં લોકડાઉન જેવી પરિસ્થિતિ સર્જાઈ હતી. ઓક્ટોબરમાં ૩,૦૦૦ કરોડનું નુકસાન થઈ ચૂક્યું છે. અમે નથી ઇચ્છતા કે દિવાળીની ટોચની મોસમ દરમિયાન આવું થાય.ફરી એ જ પરિસ્થિતિ ઊભી થવી જાઈએ. વધુમાં,સીટીઆઇના ચેરમેન બ્રિજેશ ગોયલે મલ્લીકાર્જુન ખડગેને વેપારીઓના હિતમાં દિવાળી પછી રેલીનું આયોજન ફરીથી કરવા વિનંતી કરી.