ભારતીય હોકીના ઇતિહાસમાં ન્યુઝીલેન્ડનું ખાસ સ્થાન છે. લગભગ એક સદી પહેલા, મેજર ધ્યાનચંદની આગેવાની હેઠળ ભારતીય સેનાની હોકી ટીમે ન્યુઝીલેન્ડનો પ્રવાસ કર્યો હતો, અને હવે, તે ઐતિહાસિક સંબંધની ૧૦૦મી વર્ષગાંઠ નિમિત્તે, ભારતીય ટીમ ફરી એકવાર ત્યાં રમવા માટે પરત ફરશે. ઓલિમ્પિક બ્રોન્ઝ મેડલ વિજેતા સંજય આ પ્રવાસ પર ભારતીય પુરુષ હોકી ટીમનું નેતૃત્વ કરશે.
હોકી ઇન્ડિયાએ સોમવારે ન્યૂઝીલેન્ડ પ્રવાસ માટે ૨૦ સભ્યોની ભારતીય ટીમની જાહેરાત કરી છે. આ યુવા ટીમ ૧૫ થી ૨૩ નવેમ્બર દરમિયાન ન્યૂઝીલેન્ડમાં ત્રણ મેચ રમશે. આ મેચો ૧૯, ૨૧ અને ૨૨ નવેમ્બરના રોજ ઓકલેન્ડના લોયડ એલ્સમોર હોકી સ્ટેડિયમમાં રમાશે.
આ પ્રવાસ ભારત અને ન્યૂઝીલેન્ડ વચ્ચેના રમતગમત સંબંધોની ૧૦૦મી વર્ષગાંઠ નિમિત્તે ઉજવવામાં આવ્યો હતો. તેની શઆત ૧૯૨૬માં થઈ હતી, જ્યારે મેજર ધ્યાનચંદ જેવા દિગ્ગજ ખેલાડીઓ ભારતીય સેનાની હોકી ટીમ સાથે ન્યૂઝીલેન્ડ ગયા હતા. કોઈપણ રમતમાં ન્યૂઝીલેન્ડનો પ્રવાસ કરનારી આ પહેલી ભારતીય ટીમ હતી. ટીમમાં અંડર-૨૧ સ્તરના ઉભરતા ખેલાડીઓ તેમજ ભારત છ ટીમના ઘણા નિયમિત ખેલાડીઓનો સમાવેશ થાય છે. ભારતીય ટીમના મુખ્ય કોચ ક્રેગ ફુલ્ટન માને છે કે આ પ્રવાસ યુવા ખેલાડીઓની પ્રતિભા ચકાસવા અને તેમને આંતરરાષ્ટ્રીય સ્તરે એક્સપોઝર આપવા માટે એક સારી તક હશે.
કોચ ફુલ્ટને જણાવ્યું હતું કે ટીમમાં કેટલાક ઉભરતા અંડર-૨૧ ખેલાડીઓ અને વર્તમાન ઈન્ડિયા એ ગ્રુપના મુખ્ય ખેલાડીઓનો સમાવેશ થાય છે. ન્યૂઝીલેન્ડ જેવી મજબૂત ટીમ સામે તેમના ઘરઆંગણે ત્રણ મેચ રમવી એ ખેલાડીઓ માટે એક સારો પડકાર હશે. હોકી ઈન્ડિયાના પ્રમુખ દિલીપ તિર્કીએ પણ આ પ્રવાસને બંને દૃેશો વચ્ચેની રમતગમતની મિત્રતાના ૧૦૦ વર્ષની ઉજવણી માટે એક ખાસ પ્રસંગ ગણાવ્યો હતો. તેમણે કહૃાું કે આ યુવા ખેલાડીઓને તેમની પ્રતિભા દૃર્શાવવાની તક પૂરી પાડશે.
ન્યુઝીલેન્ડ પ્રવાસ માટે ભારતીય ટીમ
ગોલકીપર્સ: મોહિત એચએસ, પવન.
ડિફેન્ડર્સ: સંજય (કેપ્ટન), નીલમ સંજીપ એકસે, શારદૃાનંદ તિવારી, તાલેમ પ્રિયોવર્ત, અનમોલ એક્કા, યશદૃીપ સિવાચ.
મિડફિલ્ડર્સ: અંગદ બીર સિંહ, આદિત્ય અર્જુન લાલગે, રવિચંદ્ર સિંહ, વિષ્ણુકાંત સિંહ, મનમીત સિંહ, રોસન કુજુર, વેંકટેશ કેન્ચે.
ફોરવર્ડ્સ: અજિત યાદવ, ઉત્તમ સિંહ, કાર્તિ સેલ્વમ, અર્શદૃીપ સિંહ, અરિજીત સિંહ હુંડલ.