અમદાવાદ શહેરની ૩૬ શાળાઓની રૂ.૧ કરોડથી વધુની સરકારી ગ્રાન્ટ અટકાવી દૃેવામાં આવી છે. જિલ્લા શિક્ષણાધિકારી કચેરીએ ઓડિટ રિકવરીની રકમ બાકી હોવાથી વર્ષ ૨૦૨૬-૨૭નો ગ્રાન્ટ હપ્તો રોકવાનો નિર્ણય લીધો છે. આ શાળાઓ પાસેથી રૂ.૩ લાખથી વધુની ઓડિટ રિકવરી બાકી હોવાનું સામે આવ્યું છે. શાળાઓ બાકી રકમની ભરપાઈ કરશે ત્યાર બાદ જ ગ્રાન્ટનો હપ્તો રિલીઝ કરવામાં આવશે.
સરકાર દ્વારા કન્યા કેળવણી સહિતની યોજનાઓ હેઠળ શાળાઓને વર્ગોની સંખ્યાના આધારે ગ્રાન્ટ આપવામાં આવે છે. મળતી માહિતી મુજબ, એક વર્ગ દૃીઠ વાર્ષિક રૂ.૩૬ હજારની ગ્રાન્ટ ફાળવવામાં આવે છે. જોકે, શાળાઓના ખાતાકીય હિસાબોનું ઓડિટ થયા બાદૃ કેટલીક શાળાઓમાં રિકવરી બાકી હોવાનું સામે આવ્યું હતું. આ અંગે જિલ્લા શિક્ષણાધિકારી કચેરી દ્વારા વારંવાર જાણ કરવામાં આવી હોવા છતાં રકમ ભરપાઈ ન થતાં ગ્રાન્ટનો હપ્તો અટકાવવામાં આવ્યો છે.
અમદાવાદ શહેરના જિલ્લા શિક્ષણાધિકારી રોહિત ચૌધરીના જણાવ્યા અનુસાર, શાળાઓના નિભાવ માટે સરકાર દ્વારા નિભાવ ગ્રાન્ટ આપવામાં આવે છે. કેટલીક શાળાઓ ફી વિકલ્પ સ્વીકારતી હોવાથી તેમને અનુદાન તરીકે માત્ર પગારની ગ્રાન્ટ આપવામાં આવે છે.ગુજરાત પ્રવાસ ગાઈડ
આવી ૩૬ જેટલી શાળાઓમાં મોટાભાગે ફી વિકલ્પ ધરાવતી શાળાઓનો સમાવેશ થાય છે. આ શાળાઓની અગાઉના વર્ષોની ઓડિટ રિકવરી બાકી છે. જે શાળાઓની રિકવરી બાકી હોય તેમને ડીઇઓ કચેરી દ્વારા નોટિસ આપવામાં આવે છે. દર વર્ષે શાળાઓને મળતી ગ્રાન્ટમાંથી પણ બાકી રકમની વસૂલાત કરવામાં આવતી હોય છે.
ડીઇઓ રોહિત ચૌધરીએ વધુમાં જણાવ્યું હતું કે, વારંવાર જાણ કરવા છતાં ૩૬ શાળાઓએ બાકી રિકવરી માફ કરવા માટે દરખાસ્ત કરી હતી, પરંતુ તેને મંજૂરી મળી નથી. આથી બાકી રકમને ધ્યાનમાં રાખીને શાળાઓને મળવાપાત્ર ગ્રાન્ટનો હપ્તો હાલ પૂરતો અટકાવી દેવામાં આવ્યો છે. શાળાઓ દ્વારા ઓડિટ રિકવરીની બાકી રકમ ભરપાઈ કરવામાં આવશે તો તેમને મળવાપાત્ર ગ્રાન્ટનો હપ્તો રિલીઝ કરવામાં આવશે. જો રકમ ભરવામાં નહીં આવે તો ગ્રાન્ટનો હપ્તો અટકેલો જ રહેશે.