તૃણમૂલ કોંગ્રેસ સમથત બીએલઓના કોલકાતામાં મુખ્ય ચૂંટણી અધિકારીની ઓફિસ સામે વિરોધ પ્રદર્શન. રાષ્ટ્રીય ચૂંટણી પંચ સીઇઓની ઓફિસની સુરક્ષા અંગે ગંભીર ચિંતિત છે અને ચિંતા વ્યક્ત કરી છે. ચૂંટણી પંચે કોલકાતા પોલીસ પાસેથી બે દિવસમાં કાર્યવાહીનો રિપોર્ટ માંગ્યો છે.
વિરોધ કરી રહેલા બીએલઓએ લગભગ દોઢ દિવસ સુધી મુખ્ય ચૂંટણી અધિકારી મનોજ અગ્રવાલને ઘેરી લીધા હતા. ચૂંટણી પંચનું કહેવું છે કે મુખ્ય ચૂંટણી અધિકારીની ઓફિસમાં હાલની સુરક્ષા અપૂરતી છે. કમિશન અધિકારીઓની સુરક્ષા અંગે ચિંતિત છે.
મુખ્ય ચૂંટણી અધિકારીની ઓફિસના અધિકારીઓ અને કર્મચારીઓની સુરક્ષા સુનિશ્ર્ચિત કરવા માટે કમિશને કોલકાતા પોલીસને સ્પષ્ટ સૂચનાઓ આપી છે. ચૂંટણી પંચે એ પણ નિર્દેશ આપ્યો છે કે વધુ કોઈ અનિચ્છનીય ઘટના ન બને તે માટે તેમના ઘરે જરૂરી સુરક્ષા વ્યવસ્થા કરવામાં આવે. ૪૮ કલાકની અંદર ચૂંટણી પંચને કાર્યવાહીનો અહેવાલ મોકલવો જોઈએ.
હાલ સુધી, કોલકાતા પોલીસની એક ટીમ સીઇઓની ઓફિસની બહાર તૈનાત છે. બેરિકેડ્સ ઉભા કરવામાં આવ્યા છે. મુખ્ય ચૂંટણી અધિકારી મનોજ અગ્રવાલ મંગળવારે રાત્રે વિરોધ કરી રહેલા બીએલઓ સાથે મળ્યા હતા અને તેમને ખાતરી આપી હતી કે તેમની માંગણીઓ પર વિચાર કરવામાં આવશે. આ પછી, બીએલઓ અધિકાર મંચના સભ્યોએ વિરોધ પાછો ખેંચી લીધો હતો.
જોકે બીએલઓ અધિકાર મંચેની ઓફિસમાં વિરોધ પ્રદર્શન કર્યું હતું. એક પ્રદર્શનકારીએ બીએલઓ ઓફિસનો ગેટ બંધ કરવાનો પ્રયાસ કર્યો હતો. વિરોધને રોકવા માટે પોલીસને ભારે સંઘર્ષ કરવો પડ્યો હતો. બાદમાં પરિસ્થિતિ વધુ વણસી ગઈ.
પોલીસ અને વિરોધીઓ વચ્ચે અથડામણ થઈ હતી. જોકે, બીએલઓ અધિકાર મંચના સભ્યો શરૂઆતથી જ દાવો કરી રહ્યા છે કે તેઓ રાજ્ય સરકારની બધી કાર્યવાહીમાં તેમનું સમર્થન કરે છે. રાજ્ય વિધાનસભામાં વિરોધ પક્ષના નેતા સુવેન્દુ અધિકારી અને ભાજપના નેતા સજલ ઘોષના જણાવ્યા અનુસાર, બધા પ્રદર્શનકારીઓ તૃણમૂલ સમર્થક છે.
મયરાત્રિએ પરિસ્થિતિ વધુ વણસી ગઈ. વિરોધ કરી રહેલા બીએલઓએ સીઇઓને ઘેરી લીધા. બાદમાં,બીએલઓ નેતા સજલ ઘોષ પોતે પહોંચ્યા. તેમનો પણ વિરોધીઓ સાથે દલીલ અને ઝપાઝપી થઈ. મયરાત્રિએ સીઇઓની ઓફિસની બહાર તણાવ ફાટી નીકળ્યો. બીએલઓ અધિકાર મંચના સભ્યો સવારથી જ સીઇઓની ઓફિસના ગેટની બહાર ચર્ચાની માંગણી સાથે વિરોધ કરી રહ્યા હતા. મનોજ અગ્રવાલને તે રાત્રે મોડી રાત્રે ચર્ચામાં ભાગ લેવાની ફરજ પડી હતી.