રાહુલ ગાંધીએ ભારત-ઇઝરાયલ સંબંધોને સમર્થન આપ્યું, ગાઝા અંગે મહત્વપૂર્ણ નિવેદન આપ્યું

લોકસભામાં વિરોધ પક્ષના નેતા અને કોંગ્રેસના સાંસદ, રાહુલ ગાંધી, યુનાઇટેડ સ્ટેટ્‌સની મુલાકાતે છે. તેમના વિદેશ પ્રવાસ દરમિયાન, રાહુલ ગાંધીએ શિકાગો યુનિવર્સિટીમાં એક કાર્યક્રમમાં ભાગ લીધો હતો. આ કાર્યક્રમ દરમિયાન, તેમણે ભારતની ચૂંટણી પ્રક્રિયા અને ચૂંટણી પંચ પર હુમલો કર્યો. જા કે, તેઓ વિદેશ નીતિ પર સરકારનો પક્ષ લેતા દેખાયા. શિકાગો યુનિવર્સિટીમાં તેમના સંબોધન દરમિયાન, રાહુલ ગાંધીએ ભારત-ઇઝરાયલ સંબંધોને સમર્થન આપ્યું.

શિકાગો યુનિવર્સિટીમાં પોતાના તાજેતરના નિવેદનમાં, રાહુલ ગાંધીએ ખુલ્લેઆમ ઇઝરાયલ સાથે ભારતના સંબંધોને ટેકો આપ્યો. શિકાગો મંચ પરથી, રાહુલ ગાંધીએ સ્વીકાર્યું કે ભારતના ઇઝરાયલ સાથે સારા સંબંધો છે અને ત્યાંથી શસ્ત્રો ખરીદવા એ ભારતના હિતમાં છે. રાહુલ ગાંધીએ ૭ ઓક્ટોબર, ૨૦૨૩ ના રોજ હમાસ દ્વારા ઇઝરાયલ પર કરવામાં આવેલા આતંકવાદી હુમલાની કડક નિંદા કરી, તેને ભયાનક ગણાવ્યો. તેમણે ગાઝામાં ચાલી રહેલી ઇઝરાયલી લશ્કરી કાર્યવાહી અને માનવતાવાદી કટોકટીની પણ ખુલ્લેઆમ ટીકા કરી.

રાહુલ ગાંધીએ કહ્યું, “આપણા ઇઝરાયલ સાથે સંબંધો છે. ઇઝરાયલ સાથે આપણા સારા સંબંધો છે. આપણે ઇઝરાયલ પાસેથી શ†ો ખરીદીએ છીએ, અને તે સારી વાત છે. પરંતુ હું પૂરા આદર સાથે કહેવા માંગુ છું કે આપણે ૧.૫ અબજ લોકોનો દેશ છીએ. આપણી વિદેશ નીતિ આપણા દેશ માટે હોવી જાઈએ, બીજા કોઈના ફાયદા માટે નહીં. હું ઓક્ટોબરમાં જે બન્યું તેની નિંદા કરું છું. જે બન્યું તે ભયાનક હતું અને ક્યારેય ન થવું જાઈએ. પરંતુ હું ગાઝામાં જે થઈ રહ્યું છે તેની પણ નિંદા કરું છું.

”અમેરિકામાં રાહુલ ગાંધીના નિવેદનને ખૂબ જ મહત્વપૂર્ણ માનવામાં આવે છે કારણ કે, સ્થાનિક સ્તરે, કોંગ્રેસ ગાઝા મુદ્દા પર કેન્દ્ર સરકારને ઘેરી રહી છે. વિદેશી મંચ પર, રાહુલ ઇઝરાયલ સાથે ભારતના સંરક્ષણ સોદાઓને યોગ્ય ઠેરવી રહ્યા છે. કોંગ્રેસ પક્ષ અને વિપક્ષી પક્ષોએ સામાન્ય રીતે મોદી સરકારની ઇઝરાયલ નીતિની ટીકા કરી છે. પરિણામે, રાહુલ ગાંધીનું નિવેદન ચર્ચાનો વિષય બની ગયું છે.