પેટ કમિન્સની આગેવાની હેઠળની ઓસ્ટ્રેલિયન ટીમને દક્ષિણ આફ્રિકા સામે ૨-૧થી ટેસ્ટ શ્રેણીમાં હારનો સામનો કરવો પડ્યો હતો. પ્રથમ મેચ મોટા માર્જિનથી જીત્યા બાદ, કાંગારૂ ટીમ મજબૂત દેખાતી હતી, પરંતુ દક્ષિણ આફ્રિકાએ નોંધપાત્ર વાપસી કરી અને આગામી બે મેચ જીતી લીધી. આ શ્રેણી દરમિયાન, ઓસ્ટ્રેલિયાની બેટિંગ અને બોલિંગ બંનેમાં ઘણી ખામીઓ દેખાઈ. કેપ્ટન કમિન્સને ૫૦ ઓવર ફેંકવા છતાં એક પણ વિકેટ મળી ન હતી. ઓપનિંગ જાડી નિષ્ફળ ગઈ, અને માર્નસ લાબુશેનનું પ્રદર્શન પણ ખરાબ રહ્યું. આ પછી, કેપ્ટન પેટ કમિન્સે ટીમમાં નોંધપાત્ર ફેરફારોનો સંકેત આપ્યો છે.
ઓસ્ટ્રેલિયા જાન્યુઆરીના અંતમાં ભારત સામે પાંચ મેચની બોર્ડર-ગાવસ્કર શ્રેણી પહેલા ન્યુઝીલેન્ડ સામે ટેસ્ટ શ્રેણી રમશે. આ શ્રેણીમાં નબળા પ્રદર્શન બાદ, ઓસ્ટ્રેલિયન ટીમ ભારતના પ્રવાસ પહેલા નોંધપાત્ર ફેરફારો જાઈ શકે છે. કેપ્ટન પેટ કમિન્સે હાર બાદ કહ્યું કે શ્રેણીમાં હાર બાદ ટીમમાં ફેરફાર વિશે વાત કરવી સ્વાભાવિક છે, કારણ કે તેઓ સતત બે મેચ હારી ગયા છે. તેમણે સ્વીકાર્યું કે તેઓ ખૂબ સારી ટીમ છે, પરંતુ જા તેઓ નંબર વન સ્થાન પાછું મેળવવા માંગતા હોય, તો તેમને તેમની રમતમાં સુધારો કરવાની જરૂર છે. આમાં ટીમની રમવાની શૈલીમાં અથવા ચોક્કસ ખેલાડીઓમાં ફેરફારનો સમાવેશ થઈ શકે છે.
ઓસ્ટ્રેલિયાના કેપ્ટન પેટ કમિન્સ માને છે કે તેમની ટીમ પ્રથમ દિવસે દક્ષિણ આફ્રિકાને ૩૨૯ રનમાં ઓલઆઉટ કર્યા પછી મેચમાં ખૂબ આગળ હતી. જાકે, દક્ષિણ આફ્રિકાના બેટ્સમેનોએ શાનદાર શરૂઆત કરી, લંચ સુધીમાં એક પણ વિકેટ ગુમાવ્યા વિના ૧૪૦ રન બનાવ્યા. સતત બે હાર બાદ ઓસ્ટ્રેલિયા વર્લ્ડ ટેસ્ટ ચેÂમ્પયનશિપ પોઈન્ટ ટેબલમાં ત્રીજા સ્થાને સરકી ગયું છે. દરમિયાન, દક્ષિણ આફ્રિકાની જીતથી ન્યૂઝીલેન્ડને ફાયદો થયો છે.ડબ્લ્યુટીસી રેન્કિંગમાં ન્યૂઝીલેન્ડ પ્રથમ ક્રમે છે, જ્યારે દક્ષિણ આફ્રિકા બીજા ક્રમે છે.