દીપિકા પાદુકોણ અને રણવીર સિંહ ગયા મહિને બીજી વખત માતાપિતા બન્યા. અભિનેત્રીએ ૧૯ સપ્ટેમ્બરના રોજ તેમની બીજી પુત્રીને જન્મ આપ્યો હતો, જેનું નામ દંપતીએ “દેવી” રાખ્યું હતું. દીપિકા અને રણવીરે દશેરા પર તેમની બીજી પુત્રીનું નામ જાહેર કર્યું. તેમણે એક ફેમિલી ફોટો શેર કર્યો, જેમાં દુઆ તેની નાની બહેન પર પ્રેમ વરસાવતી જાવા મળી. હવે, દીપિકાએ સોશિયલ મીડિયા પર કેટલીક પોસ્ટ શેર કરી છે, જેમાં તેના અનુભવો અને બે પુત્રીઓના જન્મ પછી તે કેવી રીતે પોતાનો સમય મેનેજ કરે છે તે શેર કર્યું છે. તેણે પહેલા બ્રેસ્ટ મિલ્ક પંપનો વીડિયો શેર કર્યો હતો, અને બીજામાં, તેની દિનચર્યા શેર કરી હતી.
થોડા કલાકો પહેલા, દીપિકા પાદુકોણે તેની ઇન્સ્ટાગ્રામ સ્ટોરી પર બ્રેસ્ટ મિલ્ક પંપનો વીડિયો શેર કર્યો હતો, જેમાં બ્રેસ્ટ મિલ્ક પંપનો અવાજ સંભળાય છે. તેણે આ અવાજની તુલના ભૂતિયા ઘર સાથે કરી હતી. અભિનેત્રીએ વીડિયોનું કેપ્શન આપ્યું હતું, “એક ભયાનક ઘર, પરંતુ તે ખરેખર મધ્યરાત્રિએ તમારા બ્રેસ્ટ પંપનો અવાજ છે.” વીડિયોમાં દેખાતી મહિલા સફેદ પોશાક પહેરેલી છે, તેનો ચહેરો ઢંકાયેલો છે અને તેણે કાળા ચશ્મા પહેર્યા છે. તેણીએ તેના ખોળામાં બ્રેસ્ટ મિલ્ક પંપ મશીન પકડ્યું છે.
અભિનેત્રી દ્વારા શેર કરાયેલા બીજા એક વીડિયોના કેપ્શનમાં લખ્યું છે, “બાળક સૂઈ રહ્યું છે… હવે મારે શું કરવું જાઈએ? ખાવું, સ્નાન કરવું, સૂવું કે કસરત કરવી?” વીડિયોમાં, એક મહિલા એકસાથે અનેક કામ કરતી જાવા મળે છે. તે શાવર નીચે ઉભી છે, એક હાથમાં કેળું અને પાણીની બોટલ અને બીજા હાથમાં ડમ્બલ પકડીને. તેના માથા પર કાંસકો પણ દેખાય છે, અને તે સ્નાન કરતી વખતે સૂઈ જાય છે.
કામની વાત કરીએ તો, દીપિકા પાદુકોણ છેલ્લે ૨૦૧૪ માં રિલીઝ થયેલી “સિંઘમ અગેન” માં જાવા મળી હતી. તે તેની પુત્રી દુઆના જન્મ પછી કોઈ પણ ફિલ્મમાં દેખાઈ નથી. જા કે, તે ભવિષ્યમાં ચોક્કસપણે કેટલીક મોટા બજેટની ફિલ્મોમાં જાવા મળશે, જેમાં શાહરૂખ ખાન અભિનીત “કિંગ” અને અલ્લુ અર્જુન અભિનીત “રાકા”નો સમાવેશ થાય છે. આમાંથી, “કિંગ” આ વર્ષે ડિસેમ્બરમાં રિલીઝ થવાની છે, અને ફિલ્માંકનમાંથી દીપિકા પાદુકોણના ઘણા વીડિયો પહેલાથી જ સામે આવી ચૂક્્યા છે. આ ફિલ્મમાં શાહરૂખ ખાનની પુત્રી સુહાના ખાન, અભિષેક બચ્ચન, રાની મુખર્જી અને અભય વર્મા પણ મુખ્ય ભૂમિકામાં છે.