કોકરોચ જનતા પાર્ટી મુખ્ય ચૂંટણી કમિશનર જ્ઞાનેશ કુમાર વિરુદ્ધ મોટા વિરોધ પ્રદર્શનનું આયોજન કરી રહી છે. આ વિરોધ રાષ્ટ્રીય રાજધાની દિલ્હી સહિત દેશભરમાં થશે. આબોહવા કાર્યકર્તા સોનમ વાંગચુકે આ વિરોધ અંગે એક મોટું નિવેદન જારી કર્યું છે. વાંગચુકે રવિવારે ૨ ઓક્ટોબરે મુખ્ય ચૂંટણી કમિશનર જ્ઞાનેશ કુમાર સામે કોકરોચ જનતા પાર્ટીના પ્રસ્તાવિત વિરોધ પ્રદર્શનને સમર્થન આપ્યું હતું. વાંગચુકે કહ્યું હતું કે દેશમાં જવાબદારી અને ચૂંટણી પ્રક્રિયામાં સુધારો કરવાના પ્રયાસોને સમર્થન આપવું જોઈએ.સીજેપીના પ્રસ્તાવિત વિરોધ પ્રદર્શનને સમર્થન આપતા વાંગચુકે કહ્યું હતું કે તેઓ વિરોધ પ્રદર્શન દરમિયાન વ્યક્તિગત રીતે હાજર નહીં રહે.
વાંગચુકે કહ્યું, “સમર્થન ચોક્કસપણે છે. દેશમાં જવાબદારી સુધારવા માટેના કોઈપણ પ્રયાસો સાથે હું હંમેશા છું. આંદોલનોને સમર્થન આપવાનો મારો હેતુ એ સુનિશ્ચિત કરવાનો છે કે આ આંદોલનો પોતાના દમ પર વધે. હવે, ઘણા લોકો આ મુદ્દા પર આગળ આવ્યા છે. હું આ જોઈને ખુશ છું, તેથી મને આશા છે કે મુખ્ય ચૂંટણી કમિશનર સંબંધિત આ મુદ્દા પર મારી જરૂર નહીં પડે.”
સોનમ વાંગચુકે જણાવ્યું હતું કે ચૂંટણી પ્રક્રિયા લોકશાહી દેશ માટે સૌથી મહત્વપૂર્ણ જરૂરિયાતોમાંની એક છે. તેમાં સુધારાની જરૂર છે. તેમણે કહ્યું, “જો ચૂંટણી પ્રક્રિયા સાથે જ ચેડા થાય છે, તો લોકશાહીનું શું બચ્યું?”
તેમણે એમ પણ કહ્યું કે સરકારો દ્વારા આપવામાં આવેલા વચનો પૂરા કરવા જોઈએ. લદ્દાખને છઠ્ઠી અનુસૂચિમાં સમાવવાના સરકારના વચનનો ઉલ્લેખ કરતા, વાંગચુકે કહ્યું, “તમે જે વચનો આપ્યા છે તે પૂરા કરવા જાઈએ. ઉદાહરણ તરીકે, લદ્દાખને છઠ્ઠી અનુસૂચિનું વચન આપવામાં આવ્યું હતું.”
ચૂંટણી પંચ પાસેથી જવાબદારીની માંગણી કરવા માટે ચાલી રહેલા અભિયાનના ભાગ રૂપે, કોકરોચ જનતા પાર્ટીએ ૨ ઓક્ટોબરે દિલ્હી અને મુંબઈ સહિત દેશભરમાં વિરોધ પ્રદર્શનોની જાહેરાત કરી છે. મતદાર યાદીઓના સ્પેશિયલ ઇન્ટેન્સીવ રિવિઝનસંબંધિત મુદ્દાઓ પર વિપક્ષી પક્ષો મુખ્ય ચૂંટણી કમિશનર સામે કાર્યવાહીની પણ માંગ કરી રહ્યા છે.