પ્રધાનમંત્રી નરેન્દ્ર મોદીએ ચેન્નઈમાં ૧૩,૦૦૦ કરોડથી વધુના પ્રોજેક્ટ્સનું ઉદ્ઘાટન અને શિલાન્યાસ કર્યો. કાર્યક્રમને સંબોધતા, પ્રધાનમંત્રી નરેન્દ્ર મોદીએ કહ્યું, “અમે ઘણા પૂર્ણ થયેલા પ્રોજેક્ટ્સનું ઉદ્ઘાટન અને નવા પ્રોજેક્ટ્સનો શિલાન્યાસ કરી રહ્યા છીએ. કેટલાક પ્રોજેક્ટ્સ દૈનિક મુસાફરીને સરળ બનાવશે; અન્ય ઉદ્યોગ અને વેપારને મજબૂત બનાવશે.” આ સાથે, આ બધા તમિલનાડુમાં યુવાનો માટે રોજગારની તકો ઉભી કરશે.આ પ્રસંગે, પીએમ મોદીએ તમિલનાડુના વિવિધ મુખ્યમંત્રીઓ સાથેના તેમના કાર્યકાળના અનુભવો શેર કર્યા.
તેમણે કહ્યું, “મુખ્યમંત્રી તરીકે, મને કરુણાનિધિ અને જયલલિતા સાથે વાતચીત કરવાની ઘણી તકો મળી. વડા પ્રધાન બન્યા પછી, મને જયલલિતા, ઓ. પન્નીરસેલ્વમ, ઇ. પલાનીસ્વામી અને એમ.કે. સ્ટાલિન સાથે કામ કરવાની તક મળી. સરકારો બદલાતી રહી, પરંતુ તમિલનાડુનો વિકાસ કરવાનો અને તેના લોકોની સેવા કરવાનો મારો સંકલ્પ સતત રહ્યો. હવે, મુખ્યમંત્રી જાસેફ વિજય સાથે, અમે આ યાત્રા ચાલુ રાખી રહ્યા છીએ.”
પ્રધાનમંત્રીએ કહ્યું કે થોડા દિવસ પહેલા જ, તેમણે દેશવાસીઓના આશીર્વાદ અને પ્રેમથી સરકારના વડા તરીકે ૨૫ વર્ષ પૂર્ણ કર્યા. ઓક્ટોબર ૨૦૦૧ માં ગુજરાતના મુખ્યમંત્રી તરીકે શપથ લીધા પછી, લોકોએ તેમને મુખ્યમંત્રી અને પછી વડા પ્રધાન તરીકે સેવા આપવાની તક આપી છે. તેમણે કહ્યું કે ૨૫ વર્ષની આ યાત્રામાં, લોકશાહીની બે મુખ્ય શÂક્તઓ – દેશના લોકો અને સહકારી સંઘવાદ – માં તેમનો વિશ્વાસ સતત મજબૂત થયો છે. પ્રધાનમંત્રીએ કહ્યું કે તેઓ હંમેશા આ મંત્ર સાથે આગળ વધ્યા છે કે રાજ્યોનો વિકાસ એ દેશના વિકાસનો પાયો છે.પ્રધાનમંત્રી નરેન્દ્ર મોદીએ કહ્યું, “આજે, તમિલનાડુમાં શહેરી વિકાસ આપણા માટે એક મુખ્ય પ્રાથમિકતા છે.
મારું હંમેશા માનવું છે કે શહેરીકરણ એક પડકાર નથી, પરંતુ એક તક છે, અને જાહેર પરિવહન આમાં મહત્વપૂર્ણ ભૂમિકા ભજવે છે. સારું પરિવહન લોકોનું જીવન સરળ બનાવે છે.”ચેન્નાઈ મેટ્રોના વિસ્તરણનો ઉલ્લેખ કરતા, પ્રધાનમંત્રીએ કહ્યું કે ૨૦૧૪ માં, દેશનું મેટ્રો નેટવર્ક આશરે ૨૫૦ કિલોમીટર હતું, જે હવે વધીને ૧,૧૦૦ કિલોમીટરથી વધુ થઈ ગયું છે. તેમણે કહ્યું કે ચેન્નાઈ મેટ્રોના વિસ્તરણથી આ નેટવર્ક વધુ વધશે અને મુસાફરોને વધુ સારી પરિવહન સુવિધાઓ પૂરી પાડવામાં આવશે. નોંધનીય છે કે વડા પ્રધાન મોદીએ ચેન્નાઈમાં એક નવી મેટ્રો લાઇનનું ઉદ્ઘાટન કર્યું હતું.
પ્રધાનમંત્રીએ ભારતના બંદરોની કાર્યક્ષમતામાં થયેલા સુધારાનો પણ ઉલ્લેખ કર્યો. તેમણે કહ્યું કે છેલ્લા કેટલાક વર્ષોમાં, ભારતીય બંદરોની ગતિ અને કાર્યક્ષમતા બંનેમાં સુધારો થયો છે. જહાજાના ટર્નઅરાઉન્ડ સમય, એટલે કે બંદર પર આગમનથી પ્રસ્થાન સુધીનો સમય અડધો થવાથી નિકાસ અને વેપારને ફાયદો થયો છે. તેમણે કહ્યું કે બંદરની કામગીરીમાં સુધારો થવાને કારણે, ભારતીય ઉત્પાદનો હવે પહેલા કરતાં વધુ ઝડપથી વૈÂશ્વક બજારો સુધી પહોંચી શકે છે.વડાપ્રધાન નરેન્દ્ર મોદીએ કહ્યું, “અમે એક એવું તમિલનાડુ બનાવવા માંગીએ છીએ જે સતત નવી ઊંચાઈઓ પર પહોંચે. કેન્દ્ર સરકાર તરફથી જરૂરી કોઈપણ સહાય પૂરી પાડવા માટે અમે તમારી સાથે સંપૂર્ણ પ્રતિબદ્ધતા સાથે ઉભા છીએ. સાથે મળીને, ચાલો આપણે એક વિકસિત તમિલનાડુથી એક વિકસિત ભારત સુધીના સંકલ્પને સાકાર કરીએ. આ ભાવના સાથે, ફરી એકવાર, આ પ્રોજેક્ટ્સ માટે આપ સૌને મારી શુભકામનાઓ.”