એઆઇએમઆઇએમ પ્રમુખ અને હૈદરાબાદના સાંસદ અસદુદ્દીન ઓવૈસીએ બુધવારે સુપ્રીમ કોર્ટમાં અરજી દાખલ કરી હતી. આ અરજી મતદાર યાદી સુધારવા માટે સ્પેશિયલ ઇન્ટેન્સિવ રિવિઝન (એસઆઇઆર) પ્રક્રિયા હાથ ધરવાની ચૂંટણી પંચની પદ્ધતિને પડકારે છે.
અગાઉ, લોકસભામાં વિપક્ષના નેતા રાહુલ ગાંધી, રાજ્યસભામાં વિપક્ષના નેતા મલ્લિકાર્જુન ખડગે અને અન્ય વિપક્ષી નેતાઓએ પણ સુપ્રીમ કોર્ટનો સંપર્ક કર્યો હતો. તેઓએ પ્રક્રિયામાં અનિયમિતતાઓનો આરોપ લગાવ્યો હતો અને મતદાર ડેટાબેઝ અને ડિલીટ પ્રક્રિયાનું સ્વતંત્ર ઓડિટ કરવાની માંગ કરી હતી.
વિપક્ષની અરજીમાં મતદાર ડેટાબેઝ અને ડિલીટ પ્રક્રિયાનું સ્વતંત્ર ઓડિટ તેમજ સુપ્રીમ કોર્ટના નિવૃત્ત ન્યાયાધીશની આગેવાની હેઠળની સમિતિની રચનાની માંગ કરવામાં આવી છે. આ સમિતિ સુધારા પ્રક્રિયાના અમલીકરણ અને મતદાર યાદી અને ઇલેક્ટ્રોનિક મતદાન મશીનો (ઈવીએમ) સંબંધિત તકનીકી સિસ્ટમોની તપાસ કરશે.અરજદારોએ અગાઉ પ્રશ્ન ઉઠાવ્યો હતો કે મુખ્ય ચૂંટણી કમિશનરે અન્ય ચૂંટણી કમિશનરોની જાણકારી કે સંમતિ વિના ચૂંટણી કમિશનની સામૂહિક સત્તાઓનો ઉપયોગ કેવી રીતે કર્યો. તેમણે દેશભરમાં એસઆઇઆર રજૂ કરવાના નિર્ણય સાથે સંબંધિત રેકોર્ડ માંગ્યા છે, જેમાં ફાઇલો, મીટિંગ મિનિટ્સ, નોટિંગ્સ અને વાંધાઓનો સમાવેશ થાય છે.રાહુલ ગાંધીની અરજીમાં દલીલ કરવામાં આવી છે કે ચૂંટણી કમિશને બહુ-સભ્ય બંધારણીય સંસ્થા તરીકે કાર્ય કરવું જાઈએ અને મતદાર યાદીઓ સંબંધિત નિર્ણયો બંધારણની કલમ ૩૨૪ અને મુખ્ય ચૂંટણી કમિશનર અને અન્ય ચૂંટણી કમિશનરો (નિમણૂક, સેવાની શરતો અને કાર્યકાળ) અધિનિયમ, ૨૦૨૩ અનુસાર હોવા જાઈએ.
ઓવૈસીએ વારંવાર એસઆઇઆર પ્રક્રિયા કેવી રીતે હાથ ધરવામાં આવે છે તેની ટીકા કરી છે. તેમણે ચૂંટણી કમિશનરોની નિમણૂકને નિયંત્રિત કરતા કાયદાને રદ કરવાની પણ માંગ કરી છે. તેમનો દલીલ છે કે મુખ્ય ચૂંટણી કમિશનર અને ચૂંટણી કમિશનરોને આપવામાં આવેલી કાનૂની પ્રતિરક્ષા ચૂંટણી કમિશનની વિશ્વસનીયતાને નબળી પાડે છે. ઓવૈસીએ એસઆઇઆર પ્રક્રિયા તાત્કાલિક બંધ કરવાની પણ માંગ કરી અને મતદારો પર લાદવામાં આવેલી વધારાની શરતોના આધાર પર પ્રશ્ન ઉઠાવ્યો.વિરોધ કરવાના અધિકારનો બચાવ કરતા ઓવૈસીએ કહ્યું, “સુપ્રીમ કોર્ટે પોતે કહ્યું છે કે વિરોધ એ મૂળભૂત અધિકાર છે. લોકો વિરોધ કરશે, અને તેમણે કરવો જાઈએ. જા તમે દિલ્હી બંધ કરશો, તો શું તમે લોકોના મન પણ બંધ કરી શકશો? તમે એવું ન કરી શકો. આખી પરિસ્થિતિને ખૂબ જ ખોટી રીતે હેન્ડલ કરવામાં આવી છે.