બ્રિટિશ વડા પ્રધાન એન્ડી બર્નહામે સોમવારે જણાવ્યું હતું કે ઈંગ્લેન્ડમાં યુએસ લશ્કરી એરબેઝ ફેરફોર્ડ પરના કથિત હુમલા પાછળ ઈરાનના ઇસ્લામિક રિવોલ્યુશનરી ગાર્ડ કોર્પ્સ (આઇઆરજીસી)નો હાથ હતો. તેમણે કહ્યું કે બ્રિટિશ અધિકારીઓના મૂલ્યાંકન મુજબ, આ કાવતરું લગભગ ચોક્કસપણે ઈરાનમાં સંકલિત અને આઇઆરજીસી દ્વારા નિર્દેશિત હતું.બર્નહામે અગાઉ જણાવ્યું હતું કે ગયા મહિને એરબેઝ પર હુમલો કરવાના કથિત કાવતરામાં ઈરાની સંડોવણીના મજબૂત સંકેતો હતા.
આ એરબેઝનો ઉપયોગ ચાલુ યુદ્ધ દરમિયાન ઈરાન પર હુમલા કરવા માટે અમેરિકી બોમ્બરો દ્વારા કરવામાં આવ્યો છે.સાંસદોને સંબોધતા, બ્રિટિશ વડા પ્રધાને કહ્યું, “હું આ મૂલ્યાંકનની પુષ્ટિ કરી શકું છું કે આ કાવતરું ઈરાનમાં સંકલિત હોવાની શક્યતા છે અને લગભગ ચોક્કસપણે ઈરાનના ઇસ્લામિક રિવોલ્યુશનરી ગાર્ડ દ્વારા નિર્દેશિત કરવામાં આવ્યું છે.” તેમણે ચેતવણી આપી હતી કે બ્રિટન તેની ધરતી પર આવા ધમકીઓને સહન કરશે નહીં.
આ કથિત કાવતરાની તપાસના સંદર્ભમાં પોલીસે અત્યાર સુધીમાં સાત લોકોની ધરપકડ કરી છે. જા કે, બધા શંકાસ્પદોને જામીન પર મુક્ત કરવામાં આવ્યા છે, અને હજુ સુધી કોઈની સામે કોઈ આરોપ દાખલ કરવામાં આવ્યો નથી. ધરપકડ કરાયેલા બધા શંકાસ્પદો ૨૦ થી ૨૯ વર્ષની વચ્ચે હોવાના અહેવાલ છે. તેમાંથી છ બ્રિટિશ નાગરિક છે, જ્યારે એક બ્રિટિશ અને ઈરાની નાગરિકતા બંને ધરાવે છે.
પોલીસના જણાવ્યા અનુસાર, ૨૭ સપ્ટેમ્બરના રોજ એરબેઝની આસપાસના વિસ્તારમાં સુરક્ષા કાર્યવાહી શરૂ કરવામાં આવી હતી. મોટી સંખ્યામાં સ્થાનિક રહેવાસીઓને તેમના ઘરમાંથી બહાર કાઢવામાં આવ્યા હતા. સશ† પોલીસ અને લશ્કરી બોમ્બ નિકાલ નિષ્ણાતોએ ગ્રામીણ વિસ્તારની શોધખોળ હાથ ધરી હતી.પોલીસે પાછળથી અહેવાલ આપ્યો કે ગેસોલિન, જેનો ઉપયોગ આગ લગાડનાર પદાર્થ તરીકે થઈ શકે છે, તે શરૂઆતના પાંચ શંકાસ્પદોની ત્રણ વાનમાં મળી આવ્યું હતું. જાકે,
શોધખોળ દરમિયાન કોઈ વિસ્ફોટક મળી આવ્યો ન હતો.બ્રિટિશ સરકારે ઈરાની રાજદૂતને સમન્સ મોકલીને નારાજગી વ્યક્ત કરી હતી. સરકારે ઈરાન પર ગુનાહિત નેટવર્ક, સાથી સશ† જૂથો અને રાજ્ય-પ્રાયોજિત દૂષિત પ્રવૃત્તિઓ દ્વારા બ્રિટન અને તેના આંતરરાષ્ટ્રીય ભાગીદારોની સુરક્ષાને સતત નબળી પાડવાનો પ્રયાસ કરવાનો આરોપ મૂક્યો હતો.આ ઘટનાક્રમ વચ્ચે, યુનાઇટેડ સ્ટેટ્સે ગયા અઠવાડિયે ફેરફોર્ડમાંથી તેના બોમ્બર વિમાન પાછા ખેંચી લીધા હતા. યુએસ પ્રમુખ ડોનાલ્ડ ટ્રમ્પના વહીવટીતંત્રે જણાવ્યું હતું કે તેમને ડર છે કે એરબેઝ ઈરાન દ્વારા નિશાન બનાવવામાં આવી શકે છે. યુએસ અધિકારીઓના જણાવ્યા અનુસાર, કથિત ધમકીનો હેતુ શક્્ય તેટલા વધુ અમેરિકન સૈનિકોને મારવા અને અમેરિકન વિમાનોને નષ્ટ કરવાનો હતો. આ મામલો હાલમાં તપાસ હેઠળ છે.