લખનૌમાં એક પતિએ તેની બેંક અધિકારી પત્નીની ગોળી મારીને હત્યા કરી. ત્યારબાદ તેણે ઘરે જઈને તેની બીમાર બહેનને ગોળી મારીને આત્મહત્યા કરી. ગુરુવારે બપોરે, તેણે આઇસીઆઇસીઆઇ બેંકની બહાર તેની પત્ની દિવ્યા મિશ્રાને ફોન કર્યો અને તેને ઓફિસની બહાર બોલાવી. તેણે થોડીવાર તેની સાથે વાત કરી, પછી તેને ગોળી મારી અને ભાગી ગયો.
આ પછી, તે સીધો ઘરે ગયો, રૂમ બંધ કરી દીધો, તેની બહેનને ગોળી મારી અને પછી પોતાને ગોળી મારી દીધી. એક મહિલા બેંક અધિકારીની તેના પતિએ ધોળા દિવસે હત્યા કરી દીધી. બપોરે ૧૨ વાગ્યે, કારમાં આવેલા એક યુવકે મહિલાને ફોન કરીને આઇસીઆઇસીઆઇ બેંકની બહાર બોલાવી. ત્યારબાદ તેણે તેણીને ગોળી મારીને ભાગી ગયો. મૃતક બહેનનું નામ શીબા બાજપાઈ છે.
ઘોંઘાટ સાંભળીને, બેંક કર્મચારીઓ અને નજીકના રહેવાસીઓ ઘટનાસ્થળે દોડી આવ્યા. મહિલાને નજીકની હોસ્પિટલમાં લઈ જવામાં આવી, જ્યાં ડોક્ટરોએ તેણીને મૃત જાહેર કરી. ઘટનાની માહિતી મળતાં, અધિકારીઓ ઘટનાસ્થળે પહોંચ્યા. ફોરેન્સીક ટીમ તપાસ કરી રહી છે. હત્યા કરાયેલ બેંક અધિકારીનું નામ દિવ્યા મિશ્રા છે. તે આઇસીઆઇસીઆઇ બેંકમાં આસિસ્ટન્ટ મેનેજર હતી. તે આલમબાગમાં રહેતી હતી. એક વર્ષ પહેલા, તેણીએ તેના પતિ માનસ સાથે છૂટાછેડાની અરજી દાખલ કરી હતી.
માનસ હુસાદિયા ચોકડી પાસે એક ઘર ભાડે રાખે છે. ફાસ્ટ ફૂડ દુકાનના માલિક લવકુશે કહ્યું કે માનસ અચાનક બપોરે ૧૨ઃ૩૦ વાગ્યાની આસપાસ આવ્યો. તે પરસેવાથી લથપથ હતો. અંદર પ્રવેશ્યા પછી તેણે દરવાજા બંધ કરી દીધો.
થોડી વાર પછી અંદરથી અવાજ આવ્યો. માનસની બહેન પણ તેની સાથે રહેતી હતી. પાછળથી ખબર પડી કે માનસે તેની બહેનને ગોળી મારી અને પછી પોતાને ગોળી મારી દીધી. લવકુશે કહ્યું કે તેને વધુ કોઈ વિગતો ખબર નથી. માનસ પિતાહીન છે અને જીમ્ૈં બેંકમાં કામ કરે છે.