કાલોલ તાલુકાના મધવાસ રાજપૂતાના સ્ટીલ કંપનીમાં કામ કરતા ૫૬ વર્ષીય કામદાર પર કં૫નીમાં ઉપર લગાવેલ હેલોઝન લાઈટ અચાનક માથામાં પડી હતી. કામદારે માથામાં હેલ્મેટ પહેલર ન હોય જેથી માથામાં ગંભીર ઈજાઓ પહોંચતા સારવાર દરમિયાન મોત નિપજાવા પામ્યું છે.
હાલોલ તાલુકાના મધવાસ રાજપૂતા સ્ટીલ કંપનીમાં કામ કરતા કામદાર ખિરોધર ગણેશ પ્રજાપતિ ઉ.વ.૫૬ (રહે. સ્ટીલ કંપનીની કોલોની, મૂળ- બકચુંબા, તા. રાજપુર, ઝારખંડ) જે તા.૧૧ ઓગસ્ટના રોજ કંપનીમાં કામ કરતા હોય દરમિયાન કં૫નીમાં ઉપર લાગેલ હેલોઝન લાઈટ અચાનક ખિરોધર પ્રજાપતિના માથામાં પડી હતી. માથામાં હેલ્મેટ પહેરેલ ન હોવાથી માથાના ભાગે ગંભીર ઈજાઓ પહોંચતા દવા સારવાર દરમિયાન મોત નિપજાવા પામ્યું હતું. આ બાબતે કાલોલ પોલીસ મથકે અ.મોતની ફરિયાદ નોંધાવા પામી છે.