ઇંગ્લેન્ડની ટેસ્ટ ટીમને નવા કોચ સ્ટીફન ફ્લેમિંગના માર્ગદર્શન હેઠળ નવો સપોર્ટ સ્ટાફ મળવાની તૈયારી છે. દક્ષિણ આફ્રિકાના ભૂતપૂર્વ મુખ્ય કોચ એરિક સિમન્સ ઇંગ્લેન્ડ ટેસ્ટ ટીમના બોલિંગ કોચ તરીકે નિયુક્ત થવાના છે. સિમન્સ લાંબા સમયથી ફ્લેમિંગ સાથે કામ કરી રહ્યા છે અને બંને ઇન્ડિયન પ્રીમિયર લીગમાં ચેન્નાઈ સુપર કિંગ્સ સાથે પણ ભાગીદાર રહ્યા છે.
સોમવારે ઇંગ્લેન્ડની નવી સેન્ટ્રલ કોન્ટ્રાક્ટ યાદી જાહેર થતાં સિમન્સની નિમણૂકની સત્તાવાર જાહેરાત કરવામાં આવશે. ન્યુઝીલેન્ડના ભૂતપૂર્વ ક્રિકેટર ફ્લેમિંગ ડિસેમ્બરમાં દક્ષિણ આફ્રિકા સામેની શ્રેણીથી ઇંગ્લેન્ડના ટેસ્ટ કોચ તરીકેનો કાર્યભાર સંભાળશે. આ શ્રેણી પહેલા તેઓ તેમના સપોર્ટ સ્ટાફને અંતિમ સ્વરૂપ આપી રહ્યા છે.
ઇંગ્લેન્ડે ફરી એકવાર વિવિધ ફોર્મેટ માટે અલગ-અલગ મુખ્ય કોચ રાખવાનો નિર્ણય લીધો છે. ફ્લેમિંગ ટેસ્ટ ટીમનો હવાલો સંભાળશે, જ્યારે બ્રેન્ડન મેકકુલમ વનડે અને ટી ૨૦ ટીમોના મુખ્ય કોચ રહેશે. મેકકુલમના ટેસ્ટ કોચ તરીકેના કાર્યકાળ દરમિયાન, ઇંગ્લેન્ડે જેમ્સ એન્ડરસન, ડેવિડ સેકર અને ટિમ સાઉથી જેવા નામોને ફાસ્ટ બોલિંગ સલાહકાર તરીકે રાખ્યા હતા.
સેકર આ મહિને પાકિસ્તાનમાં વનડે ત્રિકોણીય શ્રેણી માટે ઇંગ્લેન્ડના કોચિંગ સ્ટાફનો ભાગ રહેશે. તેમની સાથે મેકકુલમના લાંબા સમયથી સહયોગી જીતન પટેલ, માઇક યાર્ડી અને કાર્લ હોપકિન્સન જાડાશે. સાઉથી અને ફિલ્ડિંગ કોચ સારાહ ટેલર, જેઓ ઇંગ્લેન્ડના ઘરેલુ ઉનાળા દરમિયાન ટીમ સાથે હતા, તેઓ શિયાળાના પ્રવાસમાં પાછળથી ફરી જાડાઈ શકે છે.
આગામી ૫૦-ઓવર વર્લ્ડ કપની તૈયારી માટે ઇંગ્લેન્ડના ભૂતપૂર્વ બેટ્સમેન કેવિન પીટરસનને મર્યાદિત ઓવરની ટીમ માટે બેટિંગ સલાહકાર તરીકે નિયુક્ત કરવામાં આવ્યા છે. જાકે, તે પાકિસ્તાન પ્રવાસ પર ટીમ સાથે રહેશે નહીં. પીટરસન ઓસ્ટ્રેલિયા સામે મર્યાદિત ઓવરની શ્રેણી દરમિયાન ટીમમાં જાડાશે. ત્યારબાદ તે જાન્યુઆરીમાં દક્ષિણ આફ્રિકામાં ત્રણ વનડે મેચ માટે ઉપલબ્ધ રહેશે. દક્ષિણ આફ્રિકા પીટરસનનું જન્મસ્થળ છે. પાકિસ્તાન સામેની ટેસ્ટ શ્રેણી દરમિયાન વચગાળાના કોચ તરીકે સેવા આપનારા માર્કસ ટ્રેસ્કોથિકનું ભવિષ્ય અસ્પષ્ટ છે. ઇંગ્લેન્ડના કોચિંગ સેટઅપમાં તેમની ભૂમિકા અંગે અટકળો ચાલી રહી છે, પરંતુ હજુ સુધી તેની સત્તાવાર પુષ્ટિ થઈ નથી.
૬૪ વર્ષીય સિમન્સે ૧૯૯૪ અને ૧૯૯૫માં દક્ષિણ આફ્રિકા માટે ૨૩ વનડે રમી હતી. તેમણે ૨૦૦૨ થી ૨૦૦૪ દરમિયાન દક્ષિણ આફ્રિકાની રાષ્ટ્રીય ટીમના મુખ્ય કોચ અને ભારતીય ટીમના બોલિંગ કોચ તરીકે પણ સેવા આપી હતી. ફ્લેમિંગ સાથે તેમનો લાંબા સમયથી કોચિંગ સંબંધ છે. બંનેએ ચેન્નાઈ સુપર કિંગ્સ, જીછ૨૦ લીગના જાબર્ગ સુપર કિંગ્સ અને મેજર લીગ ક્રિકેટના ટેક્સાસ સુપર કિંગ્સ સાથે કામ કર્યું છે. સિમન્સની નિમણૂકથી અનુભવ અને પરસ્પર સમજણ દ્વારા ઇંગ્લેન્ડની ટેસ્ટ ટીમને ફાયદો થવાની અપેક્ષા છે.