છોટાઉદેપુર જીલ્લાના બોડેલીમાં છેલ્લા બે દિવસથી વરસાદ પડી રહ્યો છે. આ વરસાદને કારણે ચલામલી પાસે આવેલા વડા તળાવ રોડ પર પાણી ભરાઈ ગયા હતા. જેના લીધે વાહનવ્યવહારને અસર પહોંચી હતી.
રોડ પર પાણી ભરાઈ જતાં થોડા સમય માટે વાહનવ્યવહાર બંધ કરવાની ફરજ પડી હતી. આથી અહીંથી પસાર થતા વાહનચાલકોને ઘણી મુશ્કેલીઓનો સામનો કરવો પડ્યો હતો.
હવામાન વિભાગે આગામી દિવસોમાં પણ વરસાદની આગાહી કરી છે. જેને ધ્યાનમાં રાખીને તંત્ર દ્વારા નીચાણવાળા વિસ્તારો અને રસ્તાઓ પર પાણી ભરાવાની સ્થિતિને પહોંચી વળવા માટે તકેદારી રાખવામાં આવી રહી છે.