નાસિક ધર્માંતરણ કેસમાં મોટી કાર્યવાહી કરવામાં આવી છે. પોલીસે એઆઇએમઆઇએમ નેતા ઈમ્તિયાઝ જલીલ વિરુદ્ધ કેસ દાખલ કર્યો છે. પોલીસે મુખ્ય આરોપી નિદા ખાનને રક્ષણ અને આશ્રય આપવા બદલ ઈમ્તિયાઝ જલીલ વિરુદ્ધ કેસ દાખલ કર્યો છે. આ સમગ્ર કેસ મહારાષ્ટÙના નાસિકથી શરૂ થયો છે, જ્યાં નિદા ખાન પર ધર્મ પરિવર્તનનો આરોપ છે. ઈમ્તિયાઝ જલીલે ખુલ્લેઆમ કહ્યું હતું કે તે કોઈપણ પરિસ્થિતિમાં નિદાનો સાથ આપશે.
આ કેસમાં કાર્યવાહી કરતા પોલીસે જલીલ વિરુદ્ધ એફઆઇઆર દાખલ કરી છે. ધરપકડ કરાયેલા આરોપી મતીન પટેલે પૂછપરછ દરમિયાન જલીલનું નામ જણાવ્યું હતું. આરોપી મતીન પટેલે જણાવ્યું હતું કે જલીલ નિદાના ઠેકાણા જાણતો હતો. જલીલે પોતે નિદાને મુંબઈમાં મળવાની વાત સ્વીકારી હતી. જલીલે ખુલ્લેઆમ કહ્યું હતું કે તે કોઈપણ પરિસ્થિતિમાં નિદાનો સાથ આપશે, અને તેની સામે કેસ દાખલ કરવામાં આવ્યો છે.
અગાઉ, ઈમ્તિયાઝ જલીલ વિરુદ્ધ ગયા વર્ષે એસસી /એસટી એક્ટ હેઠળ “હરિજન” શબ્દનો ઉપયોગ કરવા બદલ કેસ દાખલ કરવામાં આવ્યો હતો. એક પોલીસ અધિકારીએ જણાવ્યું હતું કે રિપબ્લિકન પાર્ટી ઓફ ઇÂન્ડયા (અઠાવલે)ના કાર્યકર્તાએ ભૂતપૂર્વ સાંસદ ઈમ્તિયાઝ જલીલ વિરુદ્ધ ફરિયાદ નોંધાવ્યા બાદ ક્રાંતિ ચોક પોલીસ સ્ટેશનમાં નોંધવામાં આવી હતી.
નોંધનીય છે કે ૧૧ જૂન, ૨૦૨૫ ના રોજ, ઈમ્તિયાઝ જલીલે સામાજિક ન્યાય મંત્રી સંજય શિરસાટ સામે જમીન વ્યવહાર અંગે આરોપો લગાવ્યા હતા. ફરિયાદમાં દાવો કરવામાં આવ્યો હતો કે અનુસૂચિત જાતિ સમુદાયના જલીલે વારંવાર “હરિજન” શબ્દનો ઉપયોગ કર્યો હતો અને આમ સમુદાયનું “અપમાન” કર્યું હતું. પોલીસ અધિકારીએ એમ પણ જણાવ્યું હતું કે અનુસૂચિત જાતિ અથવા અનુસૂચિત જનજાતિના સભ્યનું જાહેરમાં અપમાન કરવા અથવા ધમકી આપવા બદલ એસસી/એસટી કાયદાની કલમ ૩(૧) હેઠળ એફઆઇઆર નોંધવામાં આવી હતી. અગાઉ, એક વિવાદાસ્પદ નિવેદનમાં, ઈમ્તિયાઝ જલીલે કહ્યું હતું કે જે કોઈ પણ મુસ્લિમ મહિલાઓને ખરાબ ઇરાદાથી સ્પર્શ કરવાની હિંમત કરશે તેના હાથ કાપી નાખશે.