મધ્યપ્રદેશમાંથી રાજ્યસભા પેટાચૂંટણીમાં કેન્દ્રીય મંત્રી અને ભાજપના ઉમેદવાર હરદીપ સિંહ પુરી બિનહરીફ ચૂંટાયા છે. મંગળવારે બે અન્ય ઉમેદવારોના નામાંકન ફગાવી દેવામાં આવ્યા હતા, જેના કારણે પુરી મેદાનમાં એકલા રહી ગયા હતા. તેમની ચૂંટણી લગભગ નક્કી હતી. ભાજપના પ્રદેશ પ્રમુખ હેમંત ખંડેલવાલ સહિત અનેક પક્ષના નેતાઓ મધ્યપ્રદેશ વિધાનસભામાં પહોંચ્યા હતા. પુરીના નામાંકનની જાહેરાત બાદ, ભાજપના પ્રદેશ પ્રમુખ હેમંત ખંડેલવાલે તેમનું પ્રમાણપત્ર મેળવ્યું.
ઉમેદવારીપત્રો પાછા ખેંચવાની છેલ્લી તારીખ ગુરુવાર (૫ નવેમ્બર) હતી. પરિણામે, રિટ‹નગ ઓફિસરે તેમને બિનહરીફ ચૂંટાયેલા જાહેર કર્યા. મંગળવારે, ચકાસણીના છેલ્લા દિવસે, સ્વતંત્ર ઉમેદવાર કાંતે સયાન્ના અને કોંગ્રેસ સમર્થિત રાજકુમાર લોહાનીના ઉમેદવારીપત્રો નામંજૂર કરવામાં આવ્યા હતા.
હરદીપ સિંહ પુરીએ શનિવાર, ૩૧ ઓક્ટોબરના રોજ પોતાનું ઉમેદવારીપત્ર દાખલ કર્યું. મુખ્યમંત્રી મોહન યાદવ અને ભાજપના પ્રદેશ પ્રમુખ હેમંત ખંડેલવાલ સહિત અનેક નેતાઓ હાજર હતા. દરમિયાન, બંને અપક્ષ ઉમેદવારો અને કોંગ્રેસના નેતા હેમંત કટારેએ પુરીના ઉમેદવારીપત્રો સામે વાંધો ઉઠાવ્યો, દાવો કર્યો કે ફોર્મ ૨૬ માં તેમનું સોગંદનામું અમાન્ય અને અપૂર્ણ છે.
ચૂંટણી અધિકારી ઉમેશ શર્માએ વાંધાઓની તપાસ કરી અને તારણ કાઢ્યું કે પુરીએ લોક પ્રતિનિધિત્વ અધિનિયમની કોઈપણ જોગવાઈઓનું ઉલ્લંઘન કર્યું નથી. શર્માએ તેમના આદેશમાં જણાવ્યું હતું કે પુરીના ઉમેદવારીપત્રોમાં કોઈ ખામી જોવા મળી નથી.
કટાર અને કોંગ્રેસના ધારાસભ્ય આતિફ અકીલે કહ્યું હતું કે તેઓ આ આદેશ સામે કોર્ટનો સંપર્ક કરશે. એક નિવેદનમાં, તેમણે કહ્યું હતું કે, “આ ભારતીય લોકશાહી પર હુમલો છે. આટલી નોંધપાત્ર ખામીઓ હોવા છતાં, ઉમેદવારી પત્રો નકારવામાં આવ્યા ન હતા.”
કેન્દ્રીય મંત્રી એલ. મુરુગનના રાજીનામા પછી આ રાજ્યસભા બેઠક ખાલી પડી હતી. હાલમાં, કેન્દ્રીય મંત્રી હરદીપ સિંહ પુરી ઉત્તર પ્રદેશથી રાજ્યસભાના સભ્ય છે. તેમનો કાર્યકાળ ૨૫ નવેમ્બરના રોજ પૂરો થવાનો છે. મધ્યપ્રદેશમાં ભાજપ સરકાર હોવાને કારણે, પાર્ટીના ઉમેદવારને રાજ્યસભા પેટાચૂંટણીમાં જીત મેળવવાનો સરળ માર્ગ માનવામાં આવતો હતો.
રાજકારણમાં પ્રવેશતા પહેલા, હરદીપ પુરીની રાજદ્વારી કારકિર્દી લગભગ ૩૯ વર્ષ સુધી ચાલી હતી. તેમણે વિદેશ સેવામાં સેવા આપી હતી. તેઓ ભારતીય વિદેશ સેવાના ૧૯૭૪ બેચના અધિકારી હતા. તેમણે સંયુક્ત રાષ્ટ્રમાં ભારતના કાયમી પ્રતિનિધિ તરીકે પણ સેવા આપી હતી. ૩૯ વર્ષની સેવા પછી તેઓ ફેબ્રુઆરી ૨૦૧૩ માં વિદેશ સેવામાંથી નિવૃત્ત થયા હતા. હરદીપ સિંહ પુરી ૨ જાન્યુઆરી, ૨૦૧૪ ના રોજ ભારતીય જનતા પાર્ટીમાં જાડાયા હતા. ૨૦૧૪ માં ભાજપે કેન્દ્ર સરકાર બનાવ્યા પછી, તેમને મોદી કેબિનેટમાં સામેલ કરવામાં આવ્યા હતા.