શહેરમાં એક ઠગ દંપતી ’બંટી-બબલી’ની જોડીએ ’ધ કેરિયર પ્રોફેશનલ્સ’ નામની ઓફિસ શરૂ કરીને રિક્રુટમેન્ટ, ટ્રેિંનગ, બેકગ્રાઉન્ડ વેરિફિકેશન, ઇમિગ્રેશન સંબંધિત કામ શરૂ કરીને છેતરિંપડી આચરી હોવાનો ગંભીર મામલો હાલ પ્રકાશમાં આવ્યો છે. આરોપી દંપતીએ ૧૪ લોકોને કેનેડા, ઓસ્ટ્રેલિયા, ન્યુઝીલેન્ડ, યુકેમાં નોકરી સાથેના પીઆર વિઝા અપાવવાનું કહીને કુલ રૂ. ૭૨.૪૫ લાખ પડાવીને કામ ન કરીને છેતરિંપડી આચરી હોવાની ફરિયાદ મળતા ચાંદખેડા પોલીસે આ મામલે ગુનો નોંધી તપાસ હાથ ધરી છે.
વિગતે વાત કરીએ તો, અમદૃાવાદ શહેરના સોલા વિસ્તારમાં રહેતા ભાર્ગેશભાઇ પટેલ રિયલ એસ્ટેટના વ્યવસાય સાથે સંકળાયેલા છે. ભાર્ગેશભાઇ અગાઉ ડો. ઉર્જીત કવી નામના શખ્સ સાથે આશ્રમ રોડ ખાતે એક કંપનીમાં નોકરી કરતા હતા. જે બાદ ઉર્જીતે તેની પત્ની હર્ષિદા ઉર્જીત કવિ સાથે ધ કેરિયર પ્રોફેશનલ્સ નામની ઓફિસ શરૂ કરીને રિક્રુટમેન્ટ, ટ્રેિંનગ, બેકગ્રાઉન્ડ વેરિફિકેશન, ઇમિગ્રેશન સંબંધિત કામ શરૂ કર્યુ હતું.
ફરિયાદૃ મુજબ, બે વર્ષ પહેલા ઉર્જીતે તેના મિત્ર ભાર્ગેશભાઇને ઓફિસે બોલાવ્યા હતા. જ્યાં પોતે પત્ની સાથે ભાગીદૃારીમાં કેનેડા, ઓસ્ટ્રેલિયા, ન્યુઝીલેન્ડ, યુકેમાં નોકરી સાથેના પીઆર વિઝાનું કામ કરતો હોવાનું કહીને કામ અપાવવા કહૃાું હતું. જે બાદૃ ભાર્ગેશભાઇએ અનેક પરિચિત લોકોને ડો. ઉર્જીત કવી અને હર્ષિદા ઉર્જીત કવિની ઓફિસે મોકલ્યા હતા.
બાદૃમાં પાંચ માસના સમયગાળામાં આ દંપતીએ નોકરી સાથેના પીઆર વિઝા પ્રોસેિંસગનું ૧૩ લોકોનું કામ હાથમાં લીધું હતું અને ૬૧.૨૪ લાખ મેળવી લીધા હતા. જે બાદ આ તમામ લોકોને ટીપીસી કોર્પ્સ નામની રિસિપ્ટ આપીને છથી આઠ માસમાં પીઆર વિઝાનું કામ થઇ જશે તેવો વિશ્ર્વાસ આપ્યો હતો. આટલું જ નહીં બે-ત્રણ માસ બાદ આ દંપતીએ સ્પોન્સરશીપ કમ જોબ ઓફર લેટર તથા બાયોમેટ્રિક દસ્તાવેજ, આઇ.ઇ.એલ.ટી.એસ. સહિતના સર્ટિફિકેટ પણ મોકલી આપી વિશ્ર્વાસમાં લીધા હતા.
જે બાદૃ ત્રણ માસમાં કામ થઇ જવાનો વાયદૃો કર્યો હતો. જોકે આઠ માસ બાદૃ પણ કામ ન થતાં તમામ લોકોએ પૈસા પરત માંગ્યા હતા. તે સમયે આ દૃંપતીએ પૈસા પરત ન આપતા આ આખો મામલો પ્રકાશમાં આવ્યો હતો. જેમાં કુલ ૧૪ લોકો સાથે ૭૨.૪૫ લાખની છેતરિંપડી આચરાઈ હોવાનું હાલની પોલીસ તપાસમાં ખુલ્યું છે, ત્યારે આ મામલે ચાંદખેડા પોલીસે આ મામલે ઠગ દપતી ડો. ઉર્જીત કવી અને હર્ષિદા ઉર્જીત કવિ સામે ગુનો નોંધી વધુ તપાસ હાથ ધરી છે.