શહેરા,શહેરા વિધાનસભા મત વિસ્તારમાં આવેલ છકડીયા ચોકડી પાસે કોંગ્રેસ દ્વારા સંકલ્પ સત્યાગ્રહ કાર્યક્રમ યોજાયો હતો. મધ્ય ઝોનના પ્રભારી ઉષા નાયડુ, કોંગ્રેસ અગ્રણી દુષ્યંતસિંહ ચૌહાણ સહિત કોંગ્રેસ અગ્રણીઓ અને કાર્યકરો ઉપસ્થિત રહ્યા હતા.
શહેરા વિધાનસભા મત વિસ્તારમાં આવેલ છકડીયા ચોકડી પાસે કોંગ્રેસ દ્વારા સંકલ્પ સત્યાગ્રહ કાર્યક્રમ મધ્ય ઝોનના પ્રભારી ઉષા નાયડુની પ્રેરક ઉપસ્થિતિમાં યોજાયો હતો. લોકોમાં જાગૃતતા આવે તે માટે કોંગ્રેસ દ્વારા આ કાર્યક્રમનું આયોજન કરવામાં આવ્યું હતું. કોંગ્રેસ અગ્રણીઓએ અદાણી પર ભાજપ કેમ મહેરબાન છે, તેમજ ભાજપ સરકારમાં મોંઘવારી વધી રહી હોય તે સહિત ભાજપ પર આક્રરા પ્રહારો કર્યા હતા. આ કાર્યક્રમમાં કોંગ્રેસ અગ્રણી દુષ્યંતસિંહ ચૌહાણ, જિલ્લા કોંગ્રેસ પ્રમુખ અજીતસિંહ ભટ્ટી, જે.બી. સોલંકી, પર્વતસિંહ ચૌહાણ, રંગીતસિંહ પગી, જિલ્લા પ્રભારી અશોક પંજાબી તેમજ હિમાંશુ પંડ્યા સહિત કોંગ્રેસ અગ્રણીઓ અને મોટી સંખ્યામાં કોંગ્રેસ કાર્યકરો ઉપસ્થિત રહ્યા હતા. લોકસભાની ચૂંટણી આગામી સમયમાં આવનાર હોય ત્યારે રાજકીય પક્ષો પણ હવે ધીમે ધીમે તૈયારીમાં લાગી રહ્યા હોય ત્યારે કોંગ્રેસ દ્વારા પણ હવે ગ્રામીણ વિસ્તારમાં પહોંચી જઈને જનજાગૃતિને લગતા કાર્યક્રમો શરૂ કરી દેવામાં આવ્યા છે.