ગોધરા નગર પાલિકાની ચુંટણીમાં વોર્ડ નં.૩,૪, અને ૧૧માં ત્રણ બેઠકો પર મહિલા ઉમેદવારોને બિનહરીફ જાહેર થયા છે. આમ, ગોધરા નગર પાલિકામાં ૩ બેઠકો પર ભાજપે પોતાનું ખાતું ખોલ્યું છે.
ગોધરા નગર પાલિકાના વોર્ડ નં.૩,૪, અને ૧૧ માં ભાજપના મહિલા ઉમેદવાર સિવાય અન્ય કોઈ ઉમેદવારોએ ઉમેદવારી ફોર્મ ભર્યું ન હતું. પરિણામે ચુંટણી યોજાયા વિના જ ભાજપની મહિલા ઉમેદવારો બિનહરીફ જાહેર થઈ છે. વોર્ડ નંબર-૪માં ઋચી મનુભાઈ ચૌહાણ, વોર્ડ નં.૧૧માંથી શ્ર્વેતાબેન ધર્મરાજસિંહ પુવાર, વોર્ડ નં.૩ માંથી શ્રુતિબેન યાજ્ઞિકકુમાર બારીયા બિનહરીફ વિજેતા થયા છે. આમ, ગોધરા નગર પાલિકામાં ત્રણ વોર્ડની ૩ મહિલા બેઠકો બિનહરીફે જીત મેળવી પોતાનું ખાતું નગર પાલિકામાં ખોલાયું છે. વોર્ડ નં.૩, ૪ અને ૧૧માં મહિલા ઉમેદવારો સામે વિપક્ષની ગેરહાજરી ભાજપની સ્થિતીને મજબુત થઈ છે.