૨૦૨૪ માં રિલીઝ થયેલી વિજય સેતુપતિ અને અનુરાગ કશ્યપની ક્રાઈમ થ્રિલર ફિલ્મ “મહારાજા” ને તેની પટકથા અને વાર્તા માટે દર્શકો અને ફિલ્મ વિવેચકો તરફથી ખૂબ જ સારી સમીક્ષા મળી હતી. રિલીઝ થયા પછી, આ ફિલ્મ વિશ્વભરમાં હિટ રહી હતી. વિજય સેતુપતિના અભિનયને સારો પ્રતિસાદ મળ્યો હતો, અને અનુરાગ કશ્યપ પણ પોતાનો જાદુ ચલાવવામાં સફળ રહ્યા હતા. નિથિલન સ્વામીનાથન દ્વારા દિગ્દર્શિત, ૨૦૨૪ ની આ નિયો-નોઇર Âથ્રલર ફિલ્મને સકારાત્મક સમીક્ષાઓ મળી હતી અને આંતરરાષ્ટ્રીય સ્તરે સારું પ્રદર્શન કર્યું હતું. હવે, “મહારાજા” ઇતિહાસ રચવા માટે તૈયાર છે. વિજય સેતુપતિ અને અનુરાગ કશ્યપની ૨૦૨૪ ની તમિલ ફિલ્મની હોલીવુડ રિમેકની જવાબદારી એક મુખ્ય સ્ટુડિયોએ લીધી છે.
ફિલ્મના નિર્માતાઓએ બુધવારે સોશિયલ મીડિયા પર જાહેરાત કરી કે “મહારાજા” ની રિમેક પર કામ ચાલી રહ્યું છે. તેમણે ખુશી વ્યક્ત કરી, તેને તમિલ સિનેમા માટે “ઐતિહાસિક સીમાચિહ્ન” ગણાવી. આ જાહેરાત શેર કરતા નિર્માતાઓએ લખ્યું, “એક ઐતિહાસિક સીમાચિહ્ન! મહારાજા હોલીવુડના એક મોટા સ્ટુડિયો દ્વારા નિર્મિત થનારી પહેલી તમિલ ફિલ્મ બની.” નિર્માતાઓએ આ પોસ્ટ શેર કરતાની સાથે જ ચાહકોમાં ચર્ચા શરૂ થઈ ગઈ. ઘણાએ દિગ્દર્શકો નિતિલન સ્વામીનાથન અને વિજય સેતુપતિને અભિનંદન આપ્યા, જ્યારે અન્ય લોકોએ ફિલ્મની વૈશ્વક માન્યતાની ઉજવણી કરી. કેટલાકે સિક્વલની શક્્યતા પર પણ સવાલ ઉઠાવવાનું શરૂ કર્યું.
એવી અફવાઓ છે કે મેથ્યુ મેકકોનાગી “મહારાજા” ના હોલીવુડ વર્ઝનમાં દેખાઈ શકે છે. ઘણા સોશિયલ મીડિયા પેજે દાવો કર્યો છે કે મેથ્યુ મેકકોનાગી રિમેકમાં મુખ્ય ભૂમિકા ભજવી શકે છે. જાકે, હજુ સુધી કાÂસ્ટંગની સત્તાવાર પુષ્ટિ કરવામાં આવી નથી. “મહારાજા” ના નિર્માતા સુધન સુંદરમે તાજેતરમાં ટીઓઆઇ સાથે રિમેક વિશે વાત કરતા જણાવ્યું હતું કે ચીનમાં ફિલ્મની સફળતા પછી, એક એજન્સીએ રિમેક અધિકારો માટે નિર્માતાઓનો સંપર્ક કર્યો છે. નિર્માતાના મતે, આ પ્રોજેક્ટ માટે એક મુખ્ય સ્ટારને કાસ્ટ કરવામાં આવ્યો છે, અને રિમેકનું શૂટિંગ આવતા વર્ષે શરૂ થવાની ધારણા છે. જ્યારે મેકકોનાગી વિશે પૂછવામાં આવ્યું ત્યારે તેમણે કહ્યું, “મેકકોનાગી વાતચીતમાં રહેલા સ્ટાર્સમાંથી એક હોઈ શકે છે, પરંતુ ફક્ત એજન્સી જ તેની પુષ્ટિ કરી શકશે.”
“મહારાજા” ની વાર્તા એક પિતાની આસપાસ ફરે છે જે પોલીસ પાસે જાય છે જ્યારે તેની કચરાપેટી, જેનું નામ લક્ષ્મી છે, ગુમ થઈ જાય છે. શરૂઆતમાં જે રમુજી ફરિયાદ લાગે છે તે ધીમે ધીમે ખૂબ જ ગંભીર વાર્તામાં ફેરવાઈ જાય છે. આ ફિલ્મ ઓટીટી પ્લેટફોર્મ નેટફિલકસ પર સ્ટ્રીમ થઈ રહી છે. જૂન ૨૦૨૪ માં રિલીઝ થયેલી, “મહારાજા” ને આઇએમડી પર ૮.૪ રેટિંગ છે. આ ફિલ્મનું નિર્દેશન નિથિલન સ્વામીનાથન દ્વારા કરવામાં આવ્યું હતું અને તેમાં વિજય સેતુપતિ અને અનુરાગ કશ્યપ, સચના નમિદાસ, નટ્ટી સુબ્રમણ્યમ અને મમતા મોહનદાસ જેવા કલાકારો છે. વિજય સેતુપતિ તાજેતરમાં માર્ચમાં રિલીઝ થયેલી મુથુ એન્ગીરા કટ્ટન માટે સમાચારમાં હતા.