અલાહાબાદ હાઇકોર્ટના ન્યાયાધીશ યશવંત વર્માએ રાષ્ટ્રપતિને પોતાનું રાજીનામું સુપરત કર્યું છે. તેમના ઘરે રોકડ રકમ મળી આવવાના વિવાદ બાદ તેમને અગાઉ દિલ્હી હાઇકોર્ટથી અલ્હાબાદ પાછા ટ્રાન્સફર કરવામાં આવ્યા હતા. તેમણે ૫ એપ્રિલ, ૨૦૨૫ ના રોજ શપથ લીધા હતા, અને હાલમાં આંતરિક તપાસ ચાલી રહી છે. આરોપોના સંદર્ભમાં તેમને સંસદીય રીતે હટાવવાની કાર્યવાહીની પણ શક્યતા છે. લોકસભાના અધ્યક્ષ ઓમ બિરલાએ ન્યાયાધીશ યશવંત વર્માને તેમના પદ પરથી દૂર કરવા માટે ત્રણ સભ્યોની તપાસ સમિતિની રચના કરી છે. સમિતિનો રિપોર્ટ રજૂ થયા પછી, ન્યાયાધીશ વર્માને તેમના પદ પરથી દૂર કરવાની પ્રક્રિયા આગળ વધશે.
ગયા વર્ષે માર્ચમાં, ન્યાયાધીશ વર્માના દિલ્હી સ્થિત નિવાસસ્થાનમાંથી બળી ગયેલી ચલણી નોટો મળી આવી હતી. ત્યારબાદ તેમને દિલ્હી હાઈકોર્ટમાં પોસ્ટ કરવામાં આવ્યા હતા. જાકે, ચલણી નોટોનો વીડિયો સામે આવ્યા પછી, તેઓ હેડલાઈન્સમાં આવ્યા હતા અને દિલ્હી હાઈકોર્ટે તેમને અલ્હાબાદ હાઈકોર્ટમાં પાછા મોકલી દીધા હતા.
ગયા વર્ષે ઓગસ્ટમાં લોકસભામાં ન્યાયાધીશ યશવંત વર્મા સામે બહુપક્ષીય નોટિસ રજૂ કરવામાં આવી હતી. આ નોટિસમાં તેમને ન્યાયાધીશ પદ પરથી દૂર કરવાની માંગ કરવામાં આવી હતી. લોકસભા સ્પીકરે આ મામલાની તપાસ માટે ત્રણ સભ્યોની સમિતિની રચના કરી હતી, જેમાં સુપ્રીમ કોર્ટના ન્યાયાધીશ અરવિંદ કુમાર, મદ્રાસ હાઈકોર્ટના મુખ્ય ન્યાયાધીશ મણીન્દ્ર મોહન શ્રીવાસ્તવ અને કર્ણાટક હાઈકોર્ટના વરિષ્ઠ વકીલ બી.વી. આચાર્યનો સમાવેશ થતો હતો. આ વર્ષના ફેબ્રુઆરીમાં, ઓમ બિરલાએ બોમ્બે હાઈકોર્ટના મુખ્ય ન્યાયાધીશ, ન્યાયાધીશ ચંદ્રશેખરને ત્રણ સભ્યોની સમિતિમાં નિયુક્ત કર્યા, જેમણે જસ્ટિસ મણીન્દ્ર મોહન શ્રીવાસ્તવનું સ્થાન લીધું. સમિતિની તપાસ ચાલુ છે, અને જસ્ટિસ વર્માને ટૂંક સમયમાં તેમના પદ પરથી દૂર કરવામાં આવી શકે છે.
જસ્ટિસ વર્માએ એક અરજી દાખલ કરી હતી જેમાં આરોપ લગાવવામાં આવ્યો હતો કે તેમને પદ પરથી દૂર કરવા માટે રચાયેલી સંસદીય પેનલ અમાન્ય હતી. જાન્યુઆરીમાં તેના ચુકાદામાં, સુપ્રીમ કોર્ટે જણાવ્યું હતું કે સંસદીય કાર્યવાહીમાં અવરોધ ઊભો કરવા માટે કોઈપણ કાયદાનો ઉપયોગ કરી શકાતો નથી.