ઇઝરાયલી પીએમ બેન્જામિન નેતન્યાહૂએ કહ્યું કે ઇઝરાયલી દળોએ ઈરાનના સુપ્રીમ લીડર આયાતુલ્લાહ અલી ખામેની અને ડઝનબંધ વરિષ્ઠ શાસન અધિકારીઓને મારી નાખ્યા છે. તેલ અવીવમાં લશ્કરી મુખ્યાલય કિરિયાની છત પરથી જારી કરાયેલા એક સત્તાવાર નિવેદનમાં, નેતન્યાહૂએ કહ્યું કે ઇઝરાયલ હવે ઈરાનની રાજધાની તેહરાનના કેન્દ્ર પર હુમલો કરી રહ્યું છે.
બેન્જામિન નેતન્યાહૂએ કહ્યું, “મેં હમણાં જ સંરક્ષણ પ્રધાન, ઇઝરાયલી આર્મી ના ચીફ ઓફ સ્ટાફ અને મોસાદના ડિરેક્ટર સાથે મુલાકાત પૂર્ણ કરી છે. મેં ઓપરેશન ચાલુ રાખવાનો આદેશ આપ્યો છે.અમે સરમુખત્યાર ખામેનીને મારી નાખ્યા. તેમની સાથે, અમે દમનકારી શાસનના ડઝનબંધ વરિષ્ઠ અધિકારીઓને પણ મારી નાખ્યા. અમારા દળો હવે તેહરાનના કેન્દ્ર પર વધુ તીવ્રતાથી હુમલો કરી રહ્યા છે, અને આવનારા દિવસોમાં આ તીવ્રતા વધુ વધશે.”
વડા પ્રધાન નેતન્યાહૂએ ચાલુ રાખ્યું, “છતાં પણ, આ દિવસો અત્યંત પીડાદાયક છે. તેલ અવીવમાં અને હવે બેટ શેમેશમાં, અમે પ્રિયજનો ગુમાવ્યા છે. મારી સંવેદના તેમના પરિવારો સાથે છે, અને તમારા બધા ઇઝરાયલી નાગરિકો વતી, હું ઘાયલોને ઝડપથી સ્વસ્થ થવાની ઇચ્છા કરું છું.”
તેમણે આગળ કહ્યું, “અમે એક એવા અભિયાનમાં રોકાયેલા છીએ જેમાં અમે અમારી સુરક્ષા અને ભવિષ્ય સુનિશ્ચિત કરવા માટે ૈંડ્ઢહ્લ ની સંપૂર્ણ શકિત ને અભૂતપૂર્વ રીતે તૈનાત કરી રહ્યા છીએ. આ અભિયાનમાં અમને યુનાઇટેડ સ્ટેટ્સ, મારા મિત્ર યુએસ રાષ્ટ્રપતિ ડોનાલ્ડ ટ્રમ્પ અને યુએસ સૈન્ય દ્વારા પણ સમર્થન આપવામાં આવ્યું છે. દળોનું આ ગઠબંધન અમને છેલ્લા ૪૦ વર્ષથી હું જે કરવા માંગતો હતો તે કરવા સક્ષમ બનાવે છે. આતંકવાદના શાસનને જડમૂળથી ઉખેડી નાખવાનું મેં વચન આપ્યું હતું, અને અમે તે જ કરીશું.”