રાજકોટના રેસકોર્સ મેદાન ખાતે ચાલી રહેલી ત્રણ દિવસીય સનાતન યુવા કથાના બીજા દિવસે તેલંગાણાના પૂર્વ ધારાસભ્ય અને વક્તા ટી. રાજા સિંહ ઉપસ્થિત રહ્યા હતા. કાર્યક્રમમાં તેમણે હિન્દુ સમાજ, વસ્તી, ધર્મ પરિવર્તન અને યુવા પેઢી સહિતના વિવિધ મુદ્દાઓ પર પોતાના વિચારો રજૂ કર્યા હતા. કાર્યક્રમનું આયોજન ૨૮થી ૩૦ સપ્ટેમ્બર દરમિયાન કરવામાં આવ્યું છે.
સંબોધન દરમિયાન ટી. રાજા સિંહે દેશમાં હિન્દુ વસ્તીના પ્રમાણ અંગે ચિંતા વ્યક્ત કરી હતી. તેમણે ‘હમ દો, હમારે દો’ જેવી પરિવાર નિયોજનની વિચારસરણીનો ઉલ્લેખ કરતાં વડાપ્રધાન નરેન્દ્ર મોદીને બે બાળકો અંગે કાયદો બનાવવાની અપીલ કરી હતી.
તેમણે પોતાના સંબોધનમાં કહ્યું કે હિન્દુ સમાજે આગામી પેઢી અને વસ્તીના પ્રશ્ન અંગે વિચારવાની જરૂર છે. આ મુદ્દે તેમણે કાર્યક્રમમાં ઉપસ્થિત લોકોને પણ સરકાર સમક્ષ પોતાની માંગ રજૂ કરવા અપીલ કરી હતી.ટી. રાજા સિંહે પોતાના વક્તવ્યમાં ભારતને હિન્દુ રાષ્ટ્ર બનાવવાનો સંકલ્પ હોવાનો પણ ઉલ્લેખ કર્યો હતો. તેમણે સનાતન ધર્મ અને હિન્દુ સંસ્કૃતિ સાથે યુવા પેઢીને જાડવાના મુદ્દે વાત કરી હતી. સનાતન યુવા કથાના આયોજકો દ્વારા પણ કાર્યક્રમને યુવા પેઢીને સનાતન ધર્મ, સંસ્કૃતિ અને સંસ્કારો સાથે જાડવાના હેતુ સાથે રજૂ કરવામાં આવ્યો છે.ટી. રાજા સિંહે પોતાના સંબોધનમાં ધર્મ પરિવર્તન અને યુવતીઓને સંબંધોના નામે કથિત રીતે ફસાવવામાં આવતી હોવાના દાવાઓનો પણ ઉલ્લેખ કર્યો હતો.તેમણે માતા-પિતાને અને યુવાનોને આવા મામલાઓમાં સાવચેત રહેવાની અપીલ કરી હતી. તેમણે પોતાના ભાષણમાં ધર્મ પરિવર્તન સામે જાગૃતિ લાવવાની વાત કરી હતી.આ ઉપરાંત તેમણે બાળકોને સંબંધો અને મિત્રતામાં યોગ્ય-અયોગ્ય બાબતો સમજાવવાની જરૂરિયાત હોવાનું પણ જણાવ્યું હતું.
ગુજરાતના સંદર્ભમાં ટી. રાજા સિંહે રાજ્યના લોકો અંગે પણ વાત કરી હતી. તેમણે ગુજરાતીઓના સ્વભાવનો ઉલ્લેખ કરતાં કહ્યું હતું કે ગુજરાતીઓ સામાન્ય રીતે મીઠા સ્વભાવના છે, પરંતુ પોતાના હિત અને મુદ્દાની વાત આવે ત્યારે તેઓ મક્કમતાથી ઊભા રહે છે.તેમણે ગુજરાતના ઐતિહાસિક યોગદાનનો પણ ઉલ્લેખ કર્યો અને દેશની આઝાદીની ચળવળમાં ગુજરાતના યોગદાનની વાત કરી હતી.
પોતાના ભાષણમાં ટી. રાજા સિંહે પરિવાર અને બાળકોના સંસ્કારનો મુદ્દો પણ ઉઠાવ્યો હતો. તેમણે બાળકોને પોતાના આસપાસના લોકો અને પરિસ્થિતિઓને સમજવાની ક્ષમતા વિકસાવવાની વાત કરી હતી.તેમણે ધર્મ પરિવર્તન અને કથિત ‘લવ જેહાદ‘ જેવા મુદ્દાઓનો ઉલ્લેખ કરીને હિન્દુ પરિવારોને સાવચેત રહેવાની અપીલ કરી હતી. આ તમામ મુદ્દાઓ તેમણે પોતાના રાજકીય અને ધાર્મિક વિચારોના સંદર્ભમાં રજૂ કર્યા હતા.